17 qazan. Kazinform kúntizbesi. Tulǵalar týǵan kún

Tolqyn ZABIROVA, Qazaqstannyń eńbek sińirgen qaıratkeri, estrada jáne opera ánshisi

1970 jyly Shyǵys Qazaqstan oblysy Aıagóz qalasynda dúnıege kelgen. 2000 jyly Qurmanǵazy atyndaǵy Almaty memlekettik konservatorııasyn jáne aspırantýrasyn támamdaǵan. 2010 jyly «Mýzyka óneri» mamandyǵy boıynsha ǵylym kandıdaty dárejesin alý úshin dıssertatsııa qorǵady.

Eńbek joly: 1993-1995 jyldary Jambyl atyndaǵy Qazaq memlekettik fılarmonııasynyń solısi, 1995 jyldan qazirge deıin Qurmanǵazy atyndaǵy Qazaq ulttyq konservatorııasynyń vokaldyq óner kafedrasynda vokal-pedagogıka praktıka pániniń oqytýshysy.

1996 jyly Kalınıngradta ótken «ıAntarnyı soloveı», 1998 jyly Almatyda uıymdastyrylǵan «Álibek Dinishevtiń teatry» halyqaralyq baıqaýlarynyń laýreaty atandy. Sondaı-aq birqatar halyqaralyq estrada baıqaýlarynyń jeńimpazy. 2024 jyly «Parasat» ordenimen marapattalǵan.

Sergeı LI, Qazaqstan Respýblıkasy Aýyl sharýashylyǵy mınıstrligi apparatynyń basshysy

1973 jyly Aqtóbe qalasynda dúnıege kelgen. 1995 jyly Reseı Federatsııasynyń Sankt-Peterbýrg joǵary áskerı komandalyq ýchılışesin quqyqtaný mamandyǵy boıynsha, 2011 jyly Qazaqstan-Reseı halyqaralyq ýnıversıtetin «esep jáne aýdıt» mamandyǵy boıynsha bitirgen.

Eńbek joly: 1990-1997 jyldary Qazaqstan Respýblıkasynyń ishki áskerlerinde qyzmet etti. 1997-1998 jyldary «Qazagroprombank» AQ Aqtóbe oblystyq fılıalynda jetekshi zań keńesshisi, 1998 jylǵy qańtar-shilde aılarynda «Qazagroprombank» AQ Batys Qazaqstan aýmaqtyq basqarmasynyń zań máseleleri jónindegi mamany, 1998-2001 jyldary «Qazkommertsbank» AQ Aqtóbe fılıalynda jetekshi zań keńesshisi boldy. 2001-2005 jyldary Aqtóbe oblystyq advokattar alqasynyń múshesi, Aqtóbe qalasynyń advokaty, 2005-2006 jyldary «JUS» zań agenttigi» JShS jobasynyń jetekshisi, 2006-2007 jyldary QR Ádilet mınıstrligi Qylmystyq-atqarý júıesi komıtetiniń «Eńbek-Aqtóbe» RMK dırektory qyzmetin atqardy.

2007 jyly Aqtóbe oblystyq salyq komıtetiniń quqyqtyq qamtamasyz etý bóliminiń bas mamany, 2007-2008 jyldary Aqtóbe oblystyq salyq komıtetiniń quqyqtyq qamtamasyz etý bóliminiń, 2008-2009 jyldary Aqtóbe oblystyq salyq departamentiniń quqyqtyq qamtamasyz etý basqarmasynyń bastyǵy boldy. 2009-2010 jyldary Aqtóbe qalalyq salyq basqarmasyn, 2010-2012 jyldary Aqtóbe oblysy boıynsha Sot aktilerin oryndaý departamentin basqardy.

2012-2014 jyldary QR Ádilet mınıstrligi Sot aktilerin oryndaý komıteti tóraǵasynyń orynbasary, 2014-2018 jyldary Jeke sot oryndaýshylarynyń respýblıkalyq palatasynyń basqarma tóraǵasy boldy. 2019-2022 jyldary Aqtóbe qalasy ákiminiń orynbasary, 2022-2024 jyldary QR Saýda jáne ıntegratsııa mınıstrligi Zań qyzmeti departamentiniń dırektory, 2024-2025 jyldary «QazExpoCongress» UK» AQ basqarma tóraǵasynyń orynbasary qyzmetterin atqardy.

Qazirgi qyzmetin 2025 jylǵy sáýirden bastap atqaryp keledi.

Erlan QIıASOV, QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń «Ulttyq saraptama ortalyǵy» ShJQ RMK Basqarma tóraǵasy

1973 jyly Almaty qalasynda dúnıege kelgen. 1997 jyly Qazaq memlekettik medıtsına ýnıversıtetin «Sanıtarııa, gıgıena jáne epıdemıologııa» mamandyǵy boıynsha, 2005 jyly Ortalyq Azııa ýnıversıtetin «Qarjy jáne kredıt» mamandyǵy boıynsha, 2018 jyly Ál-Farabı atyndaǵy Qazaq ulttyq ýnıversıtetin ekonomıka jáne bıznes magıstri dárejesi boıynsha támamdaǵan.

Eńbek jolyn 1990-1991 jyldary Almaty qalasyndaǵy jedel medıtsınalyq járdem aýrýhanasynyń reanımatsııa jáne qarqyndy terapııa bóliminde sanıtar bolyp bastaǵan. 1997-1999 jj. Almaty qalasyndaǵy QR áýe kóligindegi ortalyq sanıtarııalyq-epıdemıologııalyq stantsııasynda balalar men jasóspirimder gıgıenasy, kommýnaldyq gıgıena, eńbek gıgıenasy jáne tamaqtaný gıgıenasy bólimderiniń sanıtar dárigeri, sanıtarııalyq-karantındik pýnkttiń dáriger-epıdemıology qyzmetterin atqardy.

1999-2000 jyldary QR Prezıdenti Іs basqarmasy Medıtsınalyq ortalyǵynyń sanıtarııalyq-epıdemıologııalyq stantsııasynda jalpy gıgıena dárigeri, 2000-2003 jyldary Almaty qalasyndaǵy QR Prezıdenti Іs basqarmasy Medıtsınalyq ortalyǵynyń sanıtarııalyq-epıdemıologııalyq stantsııasynyń jedel bólimin basqardy. 2004-2006 jyldary atalǵan Medıtsınalyq ortalyqtyń sanıtarııalyq-epıdemıologııalyq qadaǵalaý basqarmasynyń epıdemıologııa bóliminiń bastyǵy boldy.

2006-2020 jyldary QR Prezıdenti Іs basqarmasy Medıtsınalyq ortalyǵynyń «Sanıtarııalyq-epıdemıologııalyq saraptama ortalyǵy» RMK dırektory, 2020 jyly atalǵan Medıtsınalyq ortalyq basshysynyń orynbasary qyzmetin atqardy. 2020-2022 jyldary QR Densaýlyq saqtaý vıtse-mınıstri — Qazaqstan Respýblıkasynyń Bas memlekettik sanıtarııalyq dárigeri boldy.

Qazirgi qyzmetin 2022 jylǵy tamyzdan bastap atqaryp keledi.

Mıhaıl LOMTADZE, «Kaspi.kz» AQ basqarma tóraǵasy, Dırektorlar keńesiniń múshesi

1975 jyly Grýzııa Respýblıkasynyń Tbılısı qalasynda dúnıege kelgen. 1997 jyly Grýzııadaǵy Eýropalyq menedjment mektebin BBA dárejesi boıynsha, 2002 jyly Garvard bıznes mektebin MBA dárejesi boıynsha támamdaǵan.

Eńbek jolyn 2002 jyly seriktesterimen birge ózi qurǵan GCG Audit konsaltıngtik kompanııasyn basqarýdan bastady. 2002-2007 jyldary Baring Vostok tikeleı ınvestıtsııalar qorynyń ınvestıtsııalyq jobalar jónindegi menedjeri boldy. 2007-2018 jyldary «Kaspi Bank» AQ basqarma tóraǵasy, 2015-2018 jyldary Kaspi.kz AQ (burynǵy «Kaspi» AQ) Dırektorlar keńesiniń tóraǵasy qyzmetterin atqardy. 2015 jyldan beri Kaspi.kz AQ Dırektorlar keńesiniń múshesi, 2018 jyldan bastap basqarma tóraǵasy.

2021 jyly II dárejeli «Dostyq» ordenimen marapattalǵan.

Álibek JAMAÝOV, «QazaqGaz» Ulttyq kompanııasy» AQ basqarma tóraǵasy

1981 jyly Atyraý qalasynda dúnıege kelgen. S.Demırel atyndaǵy ýnıversıtet pen Q.Sátbaev atyndaǵy Qazaq ulttyq tehnıkalyq ýnıversıtetin támamdaǵan.

Eńbek joly: 2005-2006 jyldary Agip Kazakhstan Caspian Operating kompanııasynda kishi keńesshi boldy. 2006-2009 jyldary osy kompanııada keńesshi jáne sýpervaızer qyzmetterin atqardy. 2009-2015 jyldary «Jambyl Petroleým» JShS menedjeri, 2015-2019 jyldary atqarýshy dırektory boldy. 2019-2020 jyldary «PSA» JShS tehnıkalyq tobynyń jetekshisi, 2020-2023 jyldary bas dırektordyń orynbasary qyzmetin atqardy. 2023-2025 jyldary Qazaqstan Respýblıkasynyń Energetıka vıtse-mınıstri boldy.

Qazirgi qyzmetin 2025 jylǵy tamyzdan bastap atqaryp keledi.

Baýrjan TYNYSBEKOV, «Azyq-túlik kelisimshart korporatsııasy» UK» AQ Dırektorlar keńesiniń múshesi

1987 jyly Almaty oblysynda dúnıege kelgen. 2011 jyly Halyqaralyq bıznes ýnıversıtetin, 2014 jyly ál-Farabı atyndaǵy Qazaq ulttyq ýnıversıtetin, 2017 jyly Ulybrıtanııadaǵy Nottıngem ýnıversıtetin, 2020 jyly Qaraǵandy ekonomıkalyq ýnıversıtetin támamdaǵan.

Eńbek jolyn 2012 jyly QR Qarjy mınıstrliginiń Qarjylyq monıtorıng komıtetinde F-2 basqarmasynyń sarapshysy bolyp bastaǵan. 2012-2013 jyldary QR Qarjy mınıstrligi Qazynashylyq komıtetiniń Tólem operatsııalary basqarmasynda qazynashylyq sarapshy, 2013-2014 jyldary Respýblıkalyq bıýdjet boıynsha eseptilik basqarmasynda qazynashylyq sarapshy qyzmetin atqardy. 2014-2018 jj. atalǵan komıtettiń Aqmola oblysy boıynsha Eńbekshilder aýdandyq qazynashylyq basqarmasy basshysynyń orynbasary boldy.

2018 jyly QR Qarjy mınıstrligi Memlekettik satyp alý komıtetiniń Monıtorıng jáne taldaý basqarmasynyń bas sarapshysy, 2018-2019 jyldary Qarjylyq monıtorıng komıtetiniń F-2 basqarmasynyń bas sarapshysy boldy. 2019-2021 jyldary QR Qarjy mınıstrligi Memlekettik qaryz alý departamentiniń Kontsessııalyq jobalar basqarmasyn basqardy.

2022 jyly QR Qarjy mınıstrligi Memlekettik múlik jáne jekeshelendirý komıtetiniń Almaty qalasy boıynsha departamentiniń qarjylyq qamtamasyz etý bóliminiń bas mamany boldy. 2022-2023 jyldary atalǵan departament basshysynyń orynbasary, 2023-2024 jyldary komıtettiń Batys Qazaqstan oblysy boıynsha departamentiniń basshysy qyzmetin atqardy. 2024-2025 jyldary QR Qarjy mınıstrligi Memlekettik múlik jáne jekeshelendirý komıteti tóraǵasynyń orynbasary boldy.

Qazirgi qyzmetin 2025 jylǵy sáýirden bastap atqaryp keledi.

Іlııas TÓLESOV, QR Úkimeti Apparatynyń Zań bóliminiń meńgerýshisi

1988 jyly Aqtóbe qalasynda dúnıege kelgen. 2010 jyly Máskeýdegi G.V.Plehanov atyndaǵy Reseı ekonomıkalyq ýnıversıtetin «ekonomıst» mamandyǵy boıynsha, 2014 jyly Qazaq gýmanıtarlyq-zań ýnıversıtetin «quqyqtaný» mamandyǵy boıynsha támamdaǵan.

Eńbek jolyn 2013 jyly bastaǵan. 2013-2014 jyldary Qazaqstan Respýblıkasy Óńirlik damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń qurylystaǵy smetalyq normalar basqarmasynyń sarapshysy, 2014 jyly osy basqarmanyń bas sarapshysy, 2014-2015 jyldary QR Ulttyq ekonomıka mınıstrligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń bas sarapshysy boldy.

2015-2016 jyldary atalǵan komıtettiń quqyqtyq qamtamasyz etý basqarmasynda, 2016 jyly Qurylys jáne turǵyn úı-kommýnaldyq sharýashylyq isteri komıtetiniń quqyqtyq qamtamasyz etý basqarmasynyń bas sarapshysy bolyp jumys istedi.

2016-2018 jyldary QR Premer-Mınıstri Keńsesiniń Zań bóliminde bas konsýltant, 2018-2019 jyldary óndiristik emes máseleler, óńirlik damý jáne zańnamany júıeleý máseleleri boıynsha úkimettik aktilermen jumys isteý sektorynyń meńgerýshisi boldy. 2019-2020 jyldary Zań bóliminiń bas ınspektory, 2020-2022 jyldary «Kazakhstan Investment Development Fund Management Company» kompanııasynyń basqarýshy dırektory qyzmetin atqardy.

2022 jyly QR Bilim jáne ǵylym mınıstrliginiń birinshi basshysynyń qyzmetin qamtamasyz etý qyzmetiniń kómekshisi boldy. 2022 jylǵy shilde - 2023 jylǵy aqpan aralyǵynda QR Premer-Mınıstri Keńsesiniń Zań bóliminde bas ınspektor, 2023 jyly QR Úkimeti Apparatynyń Zańnama, qorǵanys jáne quqyq tártibi bóliminiń meńgerýshisi orynbasary, 2023-2024 jyldary Zań bólimi meńgerýshisiniń orynbasary qyzmetterin atqardy.

Qazirgi qyzmetin 2024 jylǵy naýryzdan bastap atqaryp keledi.