17 qarashaǵa kún raıy boljamy

«Qazgıdromet» RMK 17 qarashaǵa kún raıy boljamyn usyndy, dep habarlaıdy Kazinform.

Respýblıkanyń basym bóliginde atmosferalyq fronttardyń ótýine baılanysty jańbyr men qar túrinde jaýyn-shashyn, kóktaıǵaq kútiledi. Elimizdiń ońtústigi men ońtústik-shyǵysynda antıtsıklon jotasynyń yqpalymen ashyq, jaýyn-shashynsyz kún raıy saqtalady.

Qazaqstannyń barlyq aýmaǵynda tuman, ekpindi jel boljanady.

Eske salaıyq, sınoptıkter beısenbide kún raıynyń nasharlaýyna baılanysty 10 óńirde eskertý jarııalady.