17 qarashada elimizdegi qandaı joldar jabyq
ALMATY. KAZINFORM – «QazAvtoJol» ulttyq kompanııasy eldegi avtojoldardyń qazirgi jaǵdaıy týraly málimet usyndy.
Kompanııa dereginshe, Soltústik Qazaqstan oblysyndaǵy jolda jóndeý-qalpyna keltirý jumystary júrgizilýine baılanysty barlyq kólik túrine qozǵalys shekteýi uzartyldy.
Buǵan deıin tolassyz jaýyn-shashyn jáne aýyr júk kólikteriniń kóp júrýi saldarynan KZ15-08 «Tımırıazevo – Sarykól – oblys shekarasy» avtojolynyń 0-30-shaqyrymynda (Qostanaı oblysy shekarasy – Tımırıazevo aýyly) jol oıylyp ketken.
Qostanaı qalasynan Tımırıazev aýdanyna balama baǵyttar:
• KAZ03 «Astana – Atbasar – Jaqsy – Rýzaevka – Sarykól – Qostanaı (aınalma jolymen) – RF shekarasy (Qaıraq beketi)» – 553-768-shaqyrym;
• KAZ13 «Jezqazǵan – Arqalyq – Petropavl» – 673-786-shaqyrym;
• KZ15-05 «Voloshınka – Sergeevka – Tımırıazevo» – 56-119-shaqyrym.
Jol shamamen 2025 jylǵy 17 qarasha saǵat 11:00-de ashylady.
Sonymen qatar 5 qarashadan bastap tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde saqtalady.
Bul shara taýly jerde jol qaýipsizdigin qamtamasyz etý maqsatynda qabyldanyp, qys maýsymy aıaqtalǵanǵa deıin kúshinde bolady.
Eske salaıyq, sınoptıkter 17 qarashada elimizdiń basym bóliginde tuman túsip, jel kúsheıetinin boljaǵan edi.