17 qarasha kúni respýblıkanyń basym bóliginde qar jaýyp, burqasyn bolady
ASTANA. QazAqparat - 17 qarasha kúni Qazaqstannyń terrıtorııasynda atmosferalyq fronttardyń ótýine baılanysty keı jerlerinde jaýyn-shashyn saqtalady, kóbinese qar jaýady, burqasyn, tuman, kóktaıǵaq, jel kúsheıedi.
Bul týraly Qazgıdromet habarlady.
Aqmola, Qostanaı oblystarynyń keı jerlerinde burqasynmen jel 15-20 m/s kúsheıedi, Qostanaı oblysynyń keı jerlerinde tuman kútiledi. Ońtústik Qazaqstan, Mańǵystaý oblystarynyń keı jerlerinde túnde jáne tańerteń tuman túsip, kúndiz jel 15-20 m/s kúsheıedi. Jambyl oblysynyń keı jerlerinde tuman túsip, túnde jáne tańerteń jel 15-20 m/s kúsheıedi. Qaraǵandy oblysynyń keı jerlerinde tuman, kóktaıǵaq kútiledi, jel 15-20 m/s kúsheıedi. Qyzylorda, Atyraý, Batys Qazaqstan, Aqtóbe, Shyǵys Qazaqstan oblystarynyń keı jerlerinde tuman, kóktaıǵaq kútiledi. Almaty, Soltústik Qazaqstan oblystarynyń keı jerlerinde tuman baqylanady.
