17 qarasha kúni Qazaqstanda ótetin mańyzdy sharalar ańdatpasy
NUR-SULTAN
9.00-de Úkimet úıinde Úkimet otyrysy ótedi. Kún tártibinde memlekettik qyzmet kórsetý protsesin jetildirý jáne QR taýarlardy tańbalaý jáne olardyń baqylanýy taqyryby qaralady.
Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarda onlaın rejımde kórsetiledi.
9.30-da «Ashyq dıalog» portalynda «Eldegi dinı ahýal týraly» ınternet konferentsııa ótedi.
Konferentsııa barysynda dinı ahýaldy taldaý jáne monıtorıng júrgizý, onyń damý úrdisteri jáne din salasyndaǵy memlekettik saıasatty iske asyrýdyń negizgi baǵyttary talqylanady.
15.00-de Eýrazııa ulttyq ýnıversıtetinde tuńǵysh qazaq antropology, qazaq halqynyń shyǵý tegi men geneologııasyn zertteýshi, QR UǴA akademıgi Orazaq Smaǵulov pen kórnekti ǵalym-antropolog Aınagúl Smaǵulovanyń «Qazaq halqy jáne ata tegi» atty kitabynyń tanystyrylymy ótedi.
ALMATY
11.30-da iAzamat ınteraktıvti qosymshasynyń iske qosylýy týraly onlaın brıfıng ótedi.
Oǵan Almaty qalasy tsıfrlandyrý basqarmasynyń basshysy Baıan Qońyrbaev jáne IT keńes ókili, «Method digital education» Qazaqstandaǵy baǵdarlamalaý mektebiniń dırektory Erdos Meńdibaev qatysady.
14.00-de 2020 jyldyń 10 aıyndaǵy jumys qorytyndysy týraly onlaın brıfıng ótedi. Oǵan Almaty qalasy týrızm basqarmasy basshysynyń orynbasary Marat Aınabekov qatysady.