17 qańtardan bastap Almatydaǵy Áýezov aýdany ákiminiń eseptik kezdesýleri ótpek
ALMATY. 15 qańtar. QazAqparat /Ádilet Musahaev/ - 17 qańtardan bastap, Almaty qalasy Áýezov aýdanynyń ákimi Bekqalı Torǵaevtyń 7 eseptik kezdesýi ótedi.
Kezdesýde aýdan ákimi Áýezov aýdanynda bolǵan úlken ózgerister men kóptegen ister atqarylǵany týraly málimdep, halyqtyń kókeıinde sheshimin taba ala almaı jatqan ózekti máselelerge úlken kóńil bólmek. Atalǵan júzdesýlerge Almaty qalasy máslıhatynyń depýtattary, qalalyq ákimdiktiń, basqarmalardyń ókilderi qatyspaq.
17 qańtarda Eýrazııalyq naryq ınstıtýtynda aýdan ákiminiń alǵashqy kezdesýi ótpek.
Onda aýlany kóriktendirýge, turǵyn úı máseleleri men kommýnaldyq sharýashylyqqa, halyqty elektr qýatymen, sýmen, gazben, jylýmen qamtamasyz etýi jaıyndaǵy qalalyq baǵdarlamalardyń oryndalýyna qatysty jáne taǵy basqa ózekti máseleler kóteriledi dep kútilýde.
