17 qańtarda Qazaqstannyń basym bóliginde qar jaýyp, keı jerlerde burqasyn kóteriledi, tuman túsedi, kóktaıǵaq bolady jáne jel kúsheıedi
ASTANA. QazAqparat - Qazaqstannyń basym bóliginde atmosferalyq aǵyndardyń ótýine baılanysty turaqsyz aýa raıy saqtalady, qar jaýyp, keı jerlerde burqasyn kóteriledi, tuman túsedi, kóktaıǵaq bolady jáne jeldiń kúsheıýi kútiledi, tek respýblıkanyń batysy jáne ońtústik-batysynda aýa raıy ashyq bolady.
Bul týraly QR ІІM Tótenshe jaǵdaılvar komıteti habarlady.
Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde burqasyndatyp,, jel 15-20 m/s-qa deıin kúsheıedi.
Ońtústik Qazaqstan, Qyzylorda, Mańǵystaý, Atyraý, Batys Qazaqstan, Aqtóbe oblystarynyń keı jerlerinde tuman túsedi, túnde jáne tańerteń Ońtústik Qazaqstan oblysynda, kúndiz Mańǵystaý, Atyraý oblystarynda jeldiń ekpini 15-20 m/s-qa deıin kúsheıedi.
Qostanaı, Jambyl oblystarynyń keı jerlerinde burqasyndatyp, tuman túsedi, kóktaıǵaq bolady, jeldiń 15-20 m/s-qa deıin kúsheıýi kútiledi, Jambyl oblysynda jeldiń uıtqýy 25 m/s-qa deıin jetedi.
Almaty oblysynyń keı jerlerinde tuman túsedi, kóktaıǵaq bolady, Jalańashkól aýdanynda jeldiń kúshi 18-23 m/s-qa, uıtqýy 25 m/s-qa deıin kúsheıedi.
