17 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

17 qańtar, JUMA

ESTE QALAR OQIǴALAR

5 4 jyl buryn (1960) «Bilim jáne eńbek» degen atpen ǵylymı-tanymdyq jýrnal jaryq kórdi. 1989 jyldan «Zerde» degen ataýmen shyǵady. Jýrnal óz oqyrmandaryn, onyń ishinde jastar men jasóspirimderdi otandyq jáne álemdik ǵylym men bilim salasyndaǵy jańalyqtarmen tanystyryp keledi. Qazaq basylymdarynyń ishinde alǵash ret ál-Farabı týraly maqala osy jýrnalda jarııalandy. Abylaı han men Ábilqaıyr hannyń sýretteri de tuńǵysh ret «Bilim jáne eńbekte» jaryq kórdi.

2 2 jyl buryn (1992) Joǵarǵy Keńes «Qazaqstan Respýblıkasynyń Prokýratýrasy týraly» Zań qabyldady.

2 2 jyl buryn (1992) «Zaman - Qazaqstan» gazetiniń alǵashqy sany jaryq kórdi.

2 2 jyl buryn (1992) Almatydaǵy № 9 mektep-ınternat negizinde alǵashqy túrik kolledji ashyldy. 1 8 jyl buryn (1996) Qazaqstan Respýblıkasynyń Prezıdenti N.Á.Nazarbaevtyń Belarýs Respýblıkasyna resmı sapary bastaldy. Sapar barysynda birneshe qujatqa qol qoıyldy. Olardyń ishinde «Dostyq pen yntymaqtastyq týraly» sharttyń orny erekshe.

1 3 jyl buryn (2001) Oralda órt sóndiretin mashına shyǵaryla bastady.

8 jyl buryn (2006) Qazaqstan Respýblıkasy Parlamentiniń 10 jyldyq mereıtoıyna arnalǵan poshta markalaryn «Qazposhta» AQ aınalymǵa shyǵardy. Poshta markasynda Parlamenttiń 10 jyldyq mereıtoıynyń resmı sımvolıkasy Qazaqstannyń týyn beıneleıtin kógildir túste beınelengen. Markalardyń nomınaly - 50 teńge, tırajy - 50 myń dana. Sýretshisi - Danııar Muhamedjanov. Poshta markasy Beıjiń poshta tólemder belgileri fabrıkasynda (QHR) shyǵaryldy.

6 jyl buryn (2008) «Otan saqshysy-Chasovoı rodıny» gazetiniń jáne «Shekara» jýrnalynyń redaktory Nurlan Saǵymbaev Reseı federaldyq qaýipsizdik qyzmetiniń «Shekaranyń altyn qaýyrsyny» syılyǵynyń laýreaty atandy.

Reseıdiń federaldyq qaýipsizdik qyzmetiniń (FQQ) bul syılyǵy shekarashy-ofıtserler men shyǵarmashylyq ıntellıgentsııa ókilderine áskerı-patrıottyq tárbıe men Reseı federaldyq shekara qyzmetiniń jumysyn nasıhattaýǵa qosqan úlesi úshin beriledi.

5 jyl buryn (2009) Óskemende esimi ólkeniń avtomobıl salasynyń qalyptasýy men damýyna tikeleı qatysty qalanyń qurmetti azamaty Grıgorıı Fleıtlıhqa arnalǵan eskertkish taqtanyń ashylý rásimi ótti.

G.Fleıtlıh (1927-2007) bul salaǵa óziniń 50 jyldyq eńbegin arnady. Onyń jetekshiligimen oblystyq jolaýshylar kásiporyndarynyń eń iri materıaldyq-tehnıkalyq bazasy jáne kólik ınfraqurylymy salyndy. Grıgorıı Fleıtlıh Óskemen qalasynyń qurmetti azamaty ataǵyna ıe bolǵan, Eńbek Qyzyl Tý, eki márte «Qurmet Belgisi» ordenderimen, medaldarmen marapatalǵan.

4 jyl buryn (2010) Qazaqstan Respýblıkasynyń Prezıdenti Nursultan Nazarbaev Orys Pravoslav shirkeýiniń eń joǵary ordenderiniń birimen marapattaldy. Ordendi Máskeý jáne búkil Rýs Patrıarhy Kırıll tapsyrdy.

4 jyl buryn (2010) Astanada Máskeý jáne búkil Rýs Patrıarhy Kırıll jańadan salynǵan Ýspen kafedraldyq soboryn dáripteý rásimin ótkizdi.

Ýspen kafedraldyq sobory Astanada Qasıetti Ýspenııa qudaı-ananyń qurmetine salyndy. Bul sońǵy onjyldyqtardaǵy Ortalyq Azııada salynǵan alǵashqy kafedraldyq hram. Ýspen soborynyń qurylysy 2005 jyldan bastap júrgizildi, onyń kólemi 900 sharshymetr, kúmbeziniń ushar basyna deıingi bıiktigi 68 metr. Ýspen kafedralyq sobory ǵımaratynyń kúmbezi 2009 jylǵy tamyzdyń 25-inde ornatyldy. Hramǵa bir mezgilde tórt myńǵa deıin adam sııady.

3 jyl buryn (2011) Memleket basshysy KO keden shekarasy arqyly jeke tulǵalardyń aqshalaı qarajat jáne (nemese) aqshalaı quraldardy alyp ótý tártibi týraly Kelisimdi ratıfıkatsııalaý týraly QR Zańyna qol qoıdy

3 jyl buryn (2011) Jýaly aýdanyndaǵy halyq jazýshysy, ańyzǵa aınalǵan qolbasshy Baýyrjan Momyshulynyń murajaıyna batyrdyń jeke zattary tapsyryldy

2 jyl buryn (2012) QR Ulttyq banki Qazaqstandaǵy VII qysqy Azııa oıyndarǵa arnalǵan 2000 teńge nomınalyndaǵy banknottardy aınalymǵa engizdi

ESІMDER

81 jyl buryn (1933) aqyn, aýdarmashy, Qazaqstan Jazýshylar odaǵynyń múshesi JANAEV Nurhan dúnıege keldi.

Qyzylorda oblysynda týǵan. Qyzylorda memlekettik pedagogıkalyq ınstıtýtyn bitirgen. Oblystyq radıoda, Tereńózek aýdandyq «Eńbek maıdany» gazetinde jýrnalıstik qyzmet atqarǵan. 1958 jyly Almatyǵa qyzmetke aýysyp, respýblıkalyq gazetterde, baspa, teledıdar, radıo salalarynda uzaq jyldar boıy jemisti eńbek etken. Qazir zeınet demalysynda. Aqynnyń alǵashqy jyrlary «Jas dáýren» atty jastar jınaǵyna engen. «Jaý, jaý, jańbyr», «Qustar ushyp keledi», «Janymnyń jazırasy», «Dámdi palaý», «Ánshi torǵaı», «Sybdyrlaıdy japyraq», «Nurly aspan», t.b. jyr jınaqtary jaryq kórgen.

109 jyl buryn (1905-1987) ǵalym, maldárigerlik ǵylymdarynyń doktory, professor, Qazaqstan Ǵylym Akademııasynyń akademıgi, Qazaqstannyń eńbek sińirgen ǵylym qaıratkeri BOEV Sergeı Nıkolaevıch dúnıege keldi.

Oral qalasynda týǵan.

Saratov zootehnıkalyq-maldárigerlik ınstıtýtyn bitirgen.

Qazaq maldárigerlik ǵylymı-zertteý ınstıtýty ǵylymı qyzmetkeri, zerthana meńgerýshisi, dırektordyń orynbasary, Qazaqstan Ǵylym Akademııasy Zoologııa ınstıtýtynyń zerthana meńgerýshisi, ǵylymı keńesshi qyzmetterin atqarǵan.

Negizgi ǵylymı eńbekteri úı maldary men tuıaqty jabaıy ańdarda kezdesetin gelmıntterdi zertteýge arnalǵan.

K.Skrıabın atyndaǵy syılyqtyń ıegeri. 2 ret «Qurmet Belgisi» ordenimen marapattalǵan. Onyń esimi Respýblıkanyń Qurmetti Altyn kitabyna jazylǵan.

104 jyl buryn (1910-1974) ekonomıka ǵylymdarynyń doktory, professor, Qazaqstannyń eńbek sińirgen ekonomısi BÝTIN Májiken Esenuly dúnıege keldi.

Batys Qazaqstan oblysy Jańaqala aýdanynda týǵan.

Lenıngrad tutynýshylar kooperatsııasy ınstıtýtyn, Máskeý ekonomıka jáne taýartaný ınstıtýtynyń aspırantýrasyn bitirgen.

Býtın ásirese, býhgalterlik esep salasynyń respýblıkada ornyǵýyna, býhgalter mamandar daıarlaýǵa úlken úles qosty. 1957 jyly QazMÝ-de respýblıkadaǵy tuńǵysh býhgalterlik esep kafedrasyn uıymdastyrdy.

1945-1954 jyldary - Qazaq KSR Tamaq ónerkásibi mınıstri. 1967 jyldan ómiriniń sońyna deıin Qazaqstan Tamaq ónerkásibi mınıstriniń birinshi orynbasary bolyp istedi. Ǵylymı-zertteý jumystarynyń negizgi baǵyty býhgalterlik esep, ekonomıkalyq taldaý salalarynyń teorııalyq jáne tájirıbelik negizderine arnalǵan.

«Býhgalterlik esep jáne býhgalterlik saraptaý», «Qazaqstan tamaq ónerkásibiniń ekonomıkasy» atty kitaptardyń avtory.

І dárejeli Otan soǵysy, eki márte Eńbek Qyzyl Tý ordenderimen marapattalǵan.

73 jyl buryn (1941-2004) aýyl sharýashylyǵy ǵylymynyń doktory, professor MYRZABEKOV Sultan Shaıymuly dúnıege keldi.

Ońtústik Qazaqstan oblysy Túrkistan qalasynda týǵan. Almaty maldárigerlik-zootehnıkalyq ınstıtýtyn(Qazaq ulttyq agrarlyq ýnıversıteti) bitirgen. 160-tan astam ǵylymı eńbektiń avtory. 1967-1992 jyldary atalmysh ınstıtýtta qyzmet istegen. 1992-1996 jyldary Qazaqstan Respýblıkasy Aýyl sharýashylyǵy mınıstrliginde, Bilim mınıstrliginde, 1996 jyldan ómiriniń sońyna deıin Qazaqtyń ulttyq agrarlyq ýnıversıtetinde ǵylymı-pedagogıkalyq qyzmetter atqarǵan.

Negizgi ǵylymı baǵyty - genetıka jáne mal ósirý, bıotehnologııaǵa arnalǵan. Ol qazaqtyń etti-júndi qoıynyń jáne qazaqtyń ońtústik merınosynyń merke tuqymishilik túrin shyǵarýǵa qatysqan.

62 jyl buryn (1952) QR Parlamenti Májilisiniń depýtaty SOLOVЬEVA Aıgúl Saǵadıbekqyzy dúnıege keldi. Almaty oblysynda týǵan. Qazaq memlekettik ýnıversıtetin bitirgen, hımııa pániniń oqytýshysy. Tehnıka ǵylymdarynyń kandıdaty. 1970 - 1975 jj. - Qazaq memlekettik ýnıversıteti, hımııa fakýlteti. 1983 - 1986 jj. - aspırantýra 1975 - 1979 jj. - Qazaqstan Respýblıkasy Ǵylym akademııasy hımııa ǵylymdarynyń ınstıtýty, aǵa laborant, ınjener, totyq balqytpasy zerthanasynyń aǵa ınjeneri. 1979 - 1993 jj. - Stromproekt ǴZI, sılıkattardyń fızıkalyq-hımııa zerthanasynyń kishi, aǵa, jetekshi ǵylymı qyzmetkeri; «Baıaý balqıtyn jáne metall emes materıaldar tehnologııasy» mamandyǵy boıynsha Kandıdattyq jáne doktorlyq keńesiniń ǵylymı hatshysy. 1993 - 2007 j. - «Bazalt-Int» JShS-nyń bas dırektory. 1983 - 1987 j. - Qazaqstannyń LKJO OK janyndaǵy Jas ǵalymdar men mamandar keńesiniń Respýblıkalyq ǵylymı - tehnıkalyq komıtetiniń tóraıymy. 1998 - 2002 j. - Qazaqstannyń Іsker áıelder qaýymdastyǵynyń Atyraýdaǵy fılıalynyń tóraıymy. 2000 - 2003 j. - Qazaqstan Sút jáne sút ónimderin óndirýshiler qaýymdastyǵynyń tóraıymy. 2003 - 2006 j. - Qazaqstan Sút Odaǵynyń teń tóraıymy; 2005 jyldan bastap «Atameken» QUEP» Úılestirý keńesiniń múshesi. 2006 jyldan bastap «Qazaqstan Azamattyq Alıansynyń» Úılestirý keńesiniń tóraıymy. 2007- 2011 jj. tórtinshi saılanǵan QR Parlamenti Májilisiniń depýtaty. 2012 jylǵy qantardan bastap besinshi saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan. 40 ǵylymı eńbek pen maqalanyń avtory, 5 avtorlyq kýáliktiń ıesi. «Eren eńbegi úshin» medalimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Parlamentine 10 jyl», «Qazaqstan Respýblıkasynyń Táýelsizdigine 20 jyl» merekelik medaldarmen, «Qurmet» ordenimen marapattalǵan.

61 jyl buryn (1953) Á.Qasteev atyndaǵy Memlekettik óner murajaıy dırektorynyń orynbasary, sýretshi, ónertanýshy NURAZHAN Erkin Ibragımuly dúnıege keldi. Shyǵys Qazaqstan oblysy Tarbaǵataı aýdanynyń Jalǵyztal aýylynda týǵan. 1974-1978 jyldary N.Gogol atyndaǵy Almaty kórkemsýret ýchılışesinde, 1978-1986 jyldary T.Júrgenov atyńdaǵy Almaty memlekettik teatr jáne kórkemsýret ınstıtýtynda oqyǵan. 1982-1992 jyldary «Baldyrǵan» jýrnalynyń kórkemdeýshi redaktory; 1993-2002 jyldary «Túrkistan» qoǵamdyq-saıası aptalyǵynyń sýretshisi, bólim meńgerýshisi; 2002-2005 jyldary «Óner» baspasynyń bas redaktory boldy. 2006-2007 jyldary Á.Qasteev atyndaǵy Óner murajaıynda bólim meńgerýshisi, búgingi kúni osy murajaı dırektorynyń orynbasary. «Ult pen rýh» maqalalar jınaǵy (2003), «Kimge kúlemiz?» satıralyq sýretter albomy (2005) jaryq kórgen. Qazaqstan Sýretshiler jáne Jýrnalıster odaǵynyń múshesi. QR Mádenıet mınıstrliginiń «Mádenıet qaıratkeri» belgisimen marapattalǵan.

51 jyl buryn (1963) «Nur Medıa» holdıngi bas dırektorynyń birinshi orynbasary ORAZOV Nuraı Nurǵojauly dúnıege keldi.

Qostanaı qalasynda týǵan. S. Seıfýllın atyndaǵy Tselınogra d pedagogıkalyq ınstıtýtyn ( 1985 ) orys tili men ádebıeti pániniń oqytýshysy mamandyǵy boıynsha; « Týran» ýnıversıtetin (2001) zańger mamandyǵy boıynsha bitirgen. Fılologııa ǵylymdarynyń kandıdaty (1997). Kandıdattyq dıssertatsııasynyń taqyryby: «N.S. Gýmılevtiń óleńderi». 1985 jyldan - Tselınograd pedagogıkalyq ınstıtýtynyń oqytýshysy. 1990 jyldan - Abaı atyndaǵy Almaty memlekettik ýnıversıtetiniń aspıranty, aǵa oqytýshysy. 1998 jyldan - QR Mádenıet , aqparat jáne qoǵamdyq kelisim mınıstrliginiń bas mamany. 2000 jyldan - QR Premer-mınıstri Keńsesiniń qujattyq qamtamasyz etý jáne baqylaý bóliminiń keńes berýshisi. 2002 jyldan - QR Mádenıet , aqparat jáne qoǵamdyq kelisim mınıstrligi Jastar saıasaty departamentiniń dırektory. 2004 jyldan - QR Prezıdentiniń Baspasóz qyzmeti jetekshisiniń orynbasary, QR Prezıdenti Ákimshiliginiń aqparattyq taldaý ortalyǵy meńgerýshisiniń orynbasary. 2006 jyldan - « KazEnergy» QQ saraptaý-taldaý tobynyń jetekshisi. 2007 jyldyń qańtarynan - QR Mádenıet jáne mınıstrligi Aqparat jáne muraǵat komıtetiniń tóraǵasy. 2007 jyldyń qazanynan - « Arna Medıa» ¥lttyq aqtsıonerlik holdıngi» AQ basqarýshy dırektory, basqarma tóraǵasynyń orynbasary. 2010 jyldyń naýryzynan - Q R Aqparat mınıstrliginiń aqparat jónindegi vıtse-mınıstri. Qazirgi qyzmetinde 2011 jylǵy qarashadan beri.

5 4 jyl buryn (1960) Qyzylorda oblysy ákiminiń birinshi orynbasary NURTAEV Rzaqul Sádenuly dúnıege keldi.

Qyzylorda oblysy, Qarmaqshy aýdany, Turmaǵanbet aýylynda dúnıege keldi.1977 jyly orta mektepti altyn medalmen bitirip, 1982 jyly Almatydaǵy Qazaq polıtehnıkalyq ınstıtýtyn «Kendi jabyq qazý tehnologııasy jáne kompleksti mehanızatsııalandyrý» mamandyǵy boıynsha joǵarǵy bilim aldy. Eńbek jolyn 1983 jyly Almaty SÝ trest «Qazaqvzryvprom» jer astyn burǵylaý jumystary mamany bolyp bastap, 1984-1986 jyldary № 05909 áskerı dıspetcherlik bóliminiń ınjeneri, 1986-1987 jyldary aralyǵynda SNMT «Spetsmontaj» birlestiginde № 10 ýchaskesiniń ınjeneri, 1987-1990 jyldar aralyǵynda № 10992 áskerı bólimshede prorab qyzmetin atqarǵan. 1990-1993 jyldary jalgerlik «Qazteplomontaj» mekemesiniń bastyǵy, 1993-1997 jyldary Tóretam qystaǵynyń ákimi, 1997 jyldyń shildesinen 2001 jyldyń naýryzyna deıin Tóretam jáne Aqaı qystaqtarynyń ákimi bolyp qyzmet atqardy. 2001 jyldyń naýryz aıynan bastap 2004 jyldyń mamyryna deıin ǵylym men tehnıkanyń eń damyǵan salasy aeroǵarysh agenttigine qarasty «Ifrakos» Respýblıkalyq memlekettik kásiporynnyń Bas dırektory bolyp qyzmet atqardy. 2004 jyldan mamyr aıynan bastap 2007 jyldyń aqpan aıyna deıin Qarmaqshy aýdanynyń ákimi. 2007 jyldyń aqpan aıynan 2008 jyldyń naýryz aıyna deıin - Qyzylorda oblysynyń jolaýshylar kóligi jáne avtomobıl joldary basqarmasynyń bastyǵy. 2008 jyldyń naýryz aıynan 2010 jyldyń aqpan aıyna deıin Qyzylorda oblysy ákimi apparatynyń basshysy. 2010 jyldyń aqpan aıynan Qyzylorda oblysy ákiminiń orynbasary. 2012 jyldyń 11 naýryzynan bastap Qyzylorda oblysy ákiminiń birinshi orynbasary qyzmetin atqarýda.

«Qurmet» ordenimen, medaldarmen marapattalǵan.

77 jyl buryn ( 1937 ) jazýshy, onnan astam povest pen áńgimeler jınaǵynyń avtory, Qazaqstan jazýshylar Odaǵynyń múshesi ǴABBASOV Engels Ǵabbasuly dúnıege keldi.

Batys Qazaqstan oblysyndaǵy Jalpaqtal aýdanynda týǵan. Fılologııa ǵylymynyń kandıdaty ( 1976 ), dotsent ( 1978 ). Oral pedagogıka ınstıtýtynyń orys tili men ádebıeti fakýltetin ( 1957 ), Almaty joǵary partııa mektebin ( 1966 ), KOKP OK janyndaǵy Qoǵamdyq ǵylymdar akademııasynyń aspırantýrasyn 1976 ) bitirgen. 1957 - 1968 jyldary muǵalim, komsomol jumysynda, 1966 jyldan Oral oblystyq partııa komıtetinde jaýapty qyzmette boldy. 1996 jyly QR Parlamentiniń depýtaty bolyp saılandy. «Qart shopan» atty alǵashqy áńgimesi «Prostor» jýrnalynda ( 1965 ) jarııalaıdy. Shyǵarmalaryn orys tilinde jazady.

64 jyl buryn ( 1950 ) «Astana Opera» Memlekettik opera jáne balet teatrynyń baletmeısteri BÓRІBAEVA Ǵalııa Ysmaıylqyzy dúnıege keldi.

Jambyl qalasynda týǵan. A. Seleznev atyndaǵy Almaty horeografııalyq ýchılışesin (1970) balet ártisi mamandyǵy boıynsha; Máskeý memlekettik mádenıet ınstıtýtynyń horeografııa fakýltetin (1975) horeograf mamandyǵy boıynsha; T. Júrgenov atyndaǵy Qazaq ulttyq óner akademııasynyń stsenografııa fakýltetin (2004) qoıýshy sýretshi mamandyǵy boıynsha bitirgen. Qazaq , orys jáne aǵylshyn tilderin biledi. 1970-1992 jyldary - Abaı atyndaǵy Memlekettik akademııalyq opera jáne balet teatrynyń jeke balet oryndaýshysy (Almaty). 1998 jyldan - M. Áýezov atyndaǵy Qazaq memlekettik akademııalyq drama teatrynyń baletmeısteri (Almaty). 2002 jyldan - K. Baıseıitova atyndaǵy Ulttyq opera jáne balet teatrynyń baletmeısteri. 2005 jyldan - Qaraǵandy mýzykalyq komedııa teatrynyń bas baletmeısteri . 2008-2010 jyldary- Astana balet kompanııasynyń bas baletmeısteri. 2008 jyldan beri - K. Baıseıitova atyndaǵy Ulttyq opera jáne balet teatry balet trýppasynyń meńgerýshisi. Qazaqstannyń Eńbek sińirgen qaıratkeri.

58 jyl buryn (1956) QR Joǵarǵy sotynyń sýdıasy SÁRSENBAEV Amangeldi Ómirbaıuly dúnıege keldi.

Soltústik Qazaqstan oblysynda týǵan. S.M.Kırov atyndaǵy Qazaq memlekettik ýnıversıtetin bitirgen, zańger. Eńbek jolyn 1983 jyly elektrovoz mashınısiniń kómekshisi bolyp bastady. 1978-1983 jyldary - Qazaq memlekettik ýnıversıteti zań fakýlteti komsomol komıtetiniń hatshysy, ýnıversıtet komsomol komıteti hatshysynyń orynbasary. 1984 jyly - QLKJO OK nusqaýshysy. 1985-1988 jyldary - Sovet aýdandyq partııa komıtetiniń nusqaýshysy. 1988-1992 jyldary - Sovet aýdandyq sotynyń sýdıasy. 1992-1996 jyldary - Almaty qalasy ádilet basqarmasy bastyǵynyń orynbasary, birinshi orynbasary, bastyǵy. 1996-1997 jyldary - Kókshetaý oblystyq sotynyń tóraǵasy. 1997 jyly - Soltústik Qazaqstan oblystyq sotynyń sýdıasy. 1997-2001 jyldary - TMD Ekonomıkalyq sotynyń sýdıasy. 2001 jyly - QR Ádilet mınıstrliginiń sot qaýlylaryn oryndaý komıtetiniń tóraǵasy. 2001-2002 jyldary - QR Joǵarǵy soty janyndaǵy Sot ákimshilendirý komıtetiniń atqarý óndirisin uıymdastyrý departamentiniń dırektory. 2002-2006 jyldary - QR Joǵarǵy sotynyń sýdıasy. 2006 jylǵy maýsym-qazan aılarynda - QR Prezıdenti Ákimshiliginiń quqyq qorǵaý jáne sot júıesi máseleleri bólimi meńgerýshisiniń orynbasary. 2006-2008 jyldary - Almaty qalasy mamandandyrylǵan aýdanaralyq ekonomıkalyq sotynyń tóraǵasy. 2008-2012 jyldary - Almaty qalasy Bostandyq aýdandyq sotynyń tóraǵasy. 2012-2013 jyldary - Astana qalasy sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy. Qazirgi qyzmetinde - 2013 jylǵy jeltoqsannan beri.

«Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan.

5 3 jyl buryn (1961) keńesik jáne grýzın shahmatshysy, 6-shy álem chempıony, KSRO eńbek sińirgen sport sheberi ChIBÝRDANIDZE Maııa Grıgorevna dúnıege keldi.

7 2 jyl buryn (1942) dańqty amerıkan boksshysy Mohammed ALI (shyn aty-jóni - Kassıýs Kleı) dúnıege keldi.

81 jyl buryn (1933-1987) frantsýz ánshisi jáne aktrısasy DALIDA (Iolanda Krıstına Djılottı) dúnıege keldi.

69 jyl buryn (1945) keńestik jáne reseılik jazýshy-syqaqshy, Reseı ónerine eńbek sińirgen qaıratker ALЬTOV Semen Teodorovıch dúnıege keldi.