17 eldiń dopıngige qarsy agenttikteriniń basshylary WADA-ny reformalaýǵa shaqyrdy
ASTANA. QazAqparat - 17 eldiń dopıngige qarsy agenttikteriniń basshylary dopıngige qarsy sońǵy janjaldardan keıin Búkilálemdik dopıngige qarsy agenttikti reformalaý qajettigin málimdedi.
Olardyń ishinde AQSh, Germanııa jáne Ulybrıtanııa agenttikteriniń ókilderi de bar.
Kompengagendegi sammıtte usynylǵan reformalardyń arasynda - agenttik basshylary sonymen birge basqa da sporttyq uıymdarda laýazymda qatar atqarmaýy úshin WADA-ǵa kóbirek táýelsizdik berý máselesin qozǵady. Máselen, WADA-nyń qazirgi basshysy Kreıg Rıdı sonymen birge Halyqaralyq olımpıada komıtetiniń (HOK) vıtse-prezıdenti bolyp qyzmet atqarady, dep habarlady RIA Novostı.
Dopıngige qarsy agenttikterdiń basshylary birlesken málimdemesinde qazir «taza» sport úshin kúres tuıyqqa tirelip turǵanyn atap kórsetti.
Budan buryn WADA-ny reformalaý qajettigin Rıo-de-Janeıroda ótken HOK sessııasynyń delegattary da kótergen bolatyn. WADA, óz kezeginde «dopıngige qarsy júıeni qaıta qaraýǵa» ázir ekendigin málimdedi.
