17 el FIS Grand Prix álem Kýboginiń Almatydaǵy kezeńine qatysady
ASTANA. QazAqparat - Almatyda 12-13 qyrkúıekte «Suńqar» shańǵy tramplıni kesheninde erler men áıelder arasyndaǵy tramplınnen shańǵymen sekirýden FIS Grand Prix álem Kýboginiń jazǵy kezeńderi ótedi.
Bul básekede 17 eldiń sportshylary baq synaıdy.
Almaty qalasynyń Halyqaralyq sport jobalary dırektsııasynan habarlaǵandaı, jarystarǵa 120-dan astam sańlaqtar qatysady. Olar: Koreıa, Bolgarııa, Fınlıandııa, Slovenııa, Japonııa, Reseı, Avstrııa, Italııa, Chehııa, Germanııa, Shveıtsarııa, Kazahstana, Rýmynııa, AQSh, Frantsııa, Norvegııa jáne Kanada ókilderi. Áıelder úshin tramplınniń uzyndyǵy - 106 metr, al erler úshin 140 metr, dep habarlady sports.kz.
