17 el Astanada dzıýdan ótetin Álem birinshiligine qatysatyndaryn rastady
ASTANA. QazAqparat - Dzıýdo kúresinen Astanada ótkiziletin álem birinshiliginde 17 memlekettiń sportshylary qatysatyndyqtaryn rastady, dep habarlaıdy QR Dzıýdo federatsııasynan.
Sonymen, kelesi elderdiń sportshylary dodaly básekede baq synasýǵa daıyn: Japonııa, Brazılııa, Chehııa, Monako, Saýd Arabııasy, Kanada, Nıderland, Belgııa, Shvetsııa, Týnıs, Anglııa, Bolgarııa, Germanııa, Fınlıandııa, Tájikstan, Taıpeı. Esterińizge sala keteıik, dzıýdodan álem birinshiligi Astanada 24-30 tamyz aralyǵynda «Alaý» muzaıdyny saraıynda ótedi. Halyqaralyq dzıýdo federatsııasynyń saıtynda (www.datastat.si/IJF_media/) Álem birinshiliginiń ótý barysyn qadaǵalaıtyn jýrnalısterdi tirkeý jalǵasýda. Sondaı-aq «Alaý» muzaıdyny saraıynda tilshiler qaýymy úshin baspasóz ortalyǵy jumys isteıtin bolady.
