17 aı uıyqtaǵan qarııa musylman bop oıandy
ASTANA. QazAqparat - Indonezııadaǵy ıAva aralynyń katolık din qyzmetkeri, eriktilermen birlesip shirkeýdiń shatyryn jóndep jatqan kezde qulap komaǵa túsken edi. 17 aıdan keıin uzaq uıqydan oıanǵan 87 jasar qarııanyń aıtqany tań qaldyrmaı qoımady, dep habarlady www.muslim.kz.
Ol uzaq uıqyda jatqanda Jaratýshynyń aıany túsip, jaratylystyń qupııa syrlary men jumaqtyń altyn qaqpasyn kórgenin aıtqan. Bul jaıly «Islamic News Daily» habarlady.«Men bul dúnıede Islam dini jaıly estigenim bolmasa, eshqashan Qurandy oqymaǵam. Jalpy, bul din jaıly bilerim joqtyń qasy. Jaratýshy maǵan haq dinniń qaısy ekenin beıne bir tylsym kúshtermen kórsetip, osy jolǵa túsip, odan taımaý kerektigin aıtty" deıdi Edýard ákeı. Bıiktikten qulap, súıekteri synyp, júregi birneshe ret toqtap qalǵan 80-di eńsergen adamnyń dúnıege qaıta kelgendeı bolyp oıanýy medıtsına mamandaryn da tań qaldyrmaı qoımady. Al din qyzmetkeri óziniń jaı ǵana komadan turmaǵanyn, sonymen qatar, ıslam dininiń keremetteri men qundylyqtary jaıly bilip, múlde basqa adam bolyp oıanǵanyna shúkirlik etedi.
Ispanııalyq bul qarııa 43 jyl boıy óz dinine adal qyzmet etken, ıAvan tili men basqa da kóptegen etnıkalyq toptardyń tilin bilgen qurmetti adam bolsa kerek. Onyń ıslam dinine asa den qoıýy ózgelerdi abdyratyp tastasa kerek. Dese de onyń izbasarlary arasynan onyń jańa bolmysyna tánti bolyp, onyń izine ergisi kelip otyrǵandary da joq emes. «Eger jaratýshy - Alla bolsa, men ózgelerdi adastyrmaı týra jolǵa bastaýym kerek», dedi ol. Búginde qarııa meshit salý isine bilek sybana kirisken desedi.
