17 aýǵandyq polıtseı tálibtermen urysta qazaǵa ushyrady
ASTANA. QazAqparat - Ońtústiktegi Gılmend provıntsııasynda «Talıban» qozǵalysy ıslamshylarymen qaqtyǵysta keminde 17 polıtseı qazaǵa ushyrady, dep habarlady Bı-bı-sı.
Resmı málimetterge qaraǵanda urys tálibter Mýsa-Qala mańyndaǵy ótkizý pýnktine shabýyl jasaǵannan keıin bastalyp, birneshe saǵatqa sozylǵan.
Jergilikti ókimet oryndarynyń habarlaýynsha, 10-ǵa tarta sodyr atysta oqqa ushqan.
Gılmend polıtsııasynyń qyzmetkerleri urys kezinde olarǵa kómek kelmegenine qynjylys bildirdi.
Ótken jyly NATO áskerleri elden shyǵarylǵannan keıin tálibter shabýyldy jandandyrdy, olardyń barysynda ondaǵan aýǵan polıtstseıleri men áskerıler mert boldy.
