17 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

17 aqpan DÚISENBІ

Meıirimniń rııasyz kóriný kúni. Bul meıramnyń jalpy dúnıelik maǵynasy bar, bul meıramdy dúnıejúzi azamattyǵyna, ultyna, dinı senimderine qaramastan toılaıdy. Bul kúni uıymdastyrýshylardyń aıtýy boıynsha, barlyǵyna meıirimdi bolýǵa tyrysý kerek, jáı ǵana meıirimdi emes, sheksiz jáne paıdakúnemsiz meıirimdi bolý kerek.

RF QK Janar-jaǵarmaı qyzmetiniń kúni. Atalmysh kún RF QK Tylyndaǵy eń jas qyzmettiń qurmetine atalyp ótiletin mereke. Onyń tarıhy 1936 jyly 17 aqpanda KSRO Qorǵanys komıssııasynyń buıryǵymen Odaqtyń QK-rin janar-jaǵarmaımen qamtamasyz etý basqarmasynyń qurylyýynan bastalady.

Kanadadaǵy muragerlik kúni. Bul kanadanyń ulttyq qundylyqtar murasyna enetin dúnıelerdiń merekesi. Mamandar bul kúndi jalpyulttyq maqtanyshqa aınalǵan tarıhı jáne mádenı nysandar men arheologııalyq aımaqtardyń merekesi dep ataǵandy jón sanaıdy. Sebebi, bular ulttyq qundylyqtyń basty murasy bolyp otyr.

Djordj Vashıngtonnyń týǵan kúni. AQSh-ta bul mereke aqpan aıynyń úshinshi dúısenbisinde toılanady. Keıde bul kúndi Prezıdentter kúni dep te ataıdy.

ESTE QALAR OQIǴALAR

2 1 jyl buryn (1993) Almaty qalasynda Birikken Ulttar Uıymynyń ókildigi jumys isteı bastady.

9 jyl buryn (2005) Qazaqstannyń aqsaqaly Eýropalyq qaýipsizdik jáne yntymaqtastyq uıymynyń «Danalar keńesine» endi. Ol 60 jastaǵy Parlament Senatynyń halyqaralyq qatynastar komıtetiniń tóraǵasy, saıası ǵylymdarynyń doktory, professor, tanymal memleket qaıratkeri, dıplomat jáne jýrnalıst Qýanysh Sultanov. Keńestiń bergen dárejesiniń sheńberi aıasynda aqsaqal EQYU reformasyna óziniń usynystaryn engizýi tıis. «Danalar keńesine» Vankýverden Vladıvostokqa deıin EQYU qyzmet etetin barlyq aımaqtyń ókilderi kiredi.

8 jyl buryn (2006) Italııanyń Mılan qalasynda ótken sán aptalyǵynda uzyndyǵy 150 metrlik alqa kórsetildi. Atalmysh buıymnyń avtory ıtalıandyq Roberto Mosketto De Van ony 12 000 gaýhar tastarynan jasap shyqqan.

8 jyl buryn (2006) Almatyda «Barrelge yntyqtyq» atty derekti fılmniń tanystyrylymy boldy. Qazaqstan Respýblıkasy Úkimetiniń ókilderi, «Munaı tabysy - qoǵam baqylaýyna!» koalıtsııasynyń ókilderi jáne munaı óndiriletin aımaq turǵyndarynyń pikirleri ózek bolǵan fılmdi «Kazakhstan Revenue Watch» baǵdarlamasy aıasynda «Soros-Qazaqstan» qorynyń granty boıynsha «Gala TV» telekompanııasy túsirgen.

8 jyl buryn (2006) Astanada «Qaýipsizdik baǵyty» atty baǵdarlamanyń tanystyrylymy ótti. Jynystyq joldarmen beriletin juqpaly aýrýlardyń jasóspirimderdiń arasynda taralýynyń aldyn alýǵa baǵyttalǵan. «Qaýipsizdik baǵyty» dep atalǵan aqparattyq-tanymdyq kórmeniń shartty túrde alynǵan bes «beketi» bar. Onyń birinshisinde oqýshylar jynystyq aýrýlardyń berilý joldary týraly aqparat alsa, ekinshi «bekette» AQTQ, JQTB týraly negizgi suraqtarǵa jaýaptar beriledi. Al úshinshi «bekette» oqýshylar ózara senim men syılastyq týraly dáris alyp, tórtinshi jáne besinshi «beketterde» «qajetsiz» júktilikten saqtanýdyń amaldarymen tanysyp, densaýlyqty kútýdiń qanshalyq mańyzdy ekendigin túsinedi.

7 jyl buryn (2007) Almatyda «Balalar úıiniń» tárbıelenýshileri daıyndaǵan «Jalǵas -Mnogotochıe» atty gazetiniń birinshi sany jaryq kórdi. Gazet elektrondy jáne baspa túrinde shyǵady. Jańa gazettiń maqsaty - jetim balalardy qalaı asyrap alýdyń, qamqorshy bolýdyń ár túrli úlgilerin, jetim balalardyń oılary men armandaryn, qoǵamdy aqparattandyrý. Jańa baspanyń ereksheligi, korrespondenttik júıesi balalar úıiniń tárbıelenýshilerinen turady, osyndaı júıe esh jerde joq .

5 jyl buryn (2009) Elbasy Nursultan Nazarbaev «Qazaqstan Respýblıkasynyń ulttyq qaýipsizdigin nyǵaıtý jáne barlaý qyzmetin odan ári jetildirý jónindegi sharalar týraly» Jarlyqqa qol qoıdy. Osy aktige sáıkes, 2007-2012 jyldarǵa arnalǵan Qazaqstan Respýblıkasy ulttyq qaýipsizdik strategııasynyń negizgi erejelerin iske asyrý, Qazaqstan Respýblıkasynyń ulttyq qaýipsizdigin nyǵaıtý jáne arnaıy qyzmetteriniń qurylymyn ońtaılandyrý maqsatynda, Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ retinde Qazaqstan Respýblıkasynyń «Syrbar» Syrtqy barlaý qyzmeti quryldy. Osy Jarlyqpen Qazaqstan Respýblıkasy Ulttyq qaýipsizdik komıtetiniń «Barlaý» qyzmeti taratyldy.

5 jyl buryn (2009) Qazaq ulttyq agrarlyq ýnıversıtetiniń «Elektrondyq jataqhana» jobasy jumys isteı bastady. «Elektrondyq jataqhana» oqý ornynyń jumysyn retteýge, ony ońtaılandyrýǵa septigin tıgizedi. ıAǵnı, jataqhanaǵa qatysty máselelerdi, onda turyp jatqan stýdentterdiń túrli túıtkilderin elektrondyq turǵyda basqarýǵa múmkindik týyp otyr. Onyń bir ereksheligi, jataqhanaǵa baılanysty barlyq maǵlumattyń bir jerge, oqý ornynyń ishki ınternet jelisine jınaqtalatyndyǵynda bolyp otyr. Osy arqyly ýnıversıtettiń jaýapty qyzmetkerleri baqylaý, basqarý, málimet alý sekildi kóptegen múmkindikterge qol jetkize alady. Sondaı-aq kez-kelgen másele boıynsha esep júrgizý, nátıjesin bir jerden kóre alý, t.b. artyqshylyqtary da bar. 4 jyl buryn (2010) Qazaqstan Respýblıkasy Mádenıet jáne aqparat mınıstrliginde Til komıtetiniń Shaısultan Shaıahmetov atyndaǵy Tilderi damytýdyń úılestirý-ádistemelik respýblıkalyq ortalyǵy ázirlegen «Qazaqstan Respýblıkasy memlekettik qyzmetshisiniń tildik portfeli» júıesiniń tusaýkeser rásimi ótti.

Osy júıeni ázirleý úshin Shaısultan Shaıahmetov atyndaǵy Tilderi damytýdyń úılestirý-ádistemelik respýblıkalyq ortalyǵyna mınıstrlik tarapynan tikeleı tapsyrma berilip, soǵan oraı tıisti jumys toby qurylǵan. Atalǵan jumys tobyna elimizge belgili lıngvıst ǵalymdarmen qatar jas mamandar, sondaı-aq memlekettik organdarda memlekettik tilge úıretip júrgen mamandar qatysqan. Bul buryn sońdy elimizde jasalmaǵan aýqymdy, júıeli, tolyqqandy, jan-jaqty ádistemelik júıe. Onyń quramynda búgingi zamanǵa saı aýdıo, vıdeo sııaqty barlyq tehnologııalarmen qamtylǵan 19 oqý-ádistemelik qural bar.

4 jyl buryn (2010) Almatyda Qazaqstandaǵy ulttyq ıdeıa týraly kitap jaryq kórdi. «Qazaqstandaǵy ulttyq ıdeıany» zertteý barysyna barlyq basylymdar atsalysty. Saraptaýǵa túsken qazaq tildi, túrli pozıtsııadaǵy merzimdi basylymdar arasynda ortaq komponentter kezdesti, qazaq tili máselesine kelgende barlyq BAQ, memlekettik te, oppozıtsııalyq ta basylymdar birdeı ún qatty. Qazaq tili máselesi búgingi kúni eń ótkir másele bolyp otyrǵandyǵy anyqtaldy.

Oqý quraly jýrnalısterge, gýmanıtarlyq fakýltettiń stýdentterine jáne saıasattaný, tarıh, fılosofııa, áleýmettaný, mass-medıa máseleleri qyzyqtyratyn jalpy kópshilikke arnalǵan.

4 jyl buryn (2010) Memleket basshysy Nursultan Nazarbaev «Ujymdyq qaýipsizdik sharty uıymynyń Jedel áreket etý ujymdyq kúshteri týraly kelisimdi ratıfıkatsııalaý týraly» Zańǵa qol qoıdy

9 jyl buryn (2005) Almatyda «Ádebıet aıdyny» qoǵamdyq-saıası aptalyǵynyń alǵashqy nómiri jaryq kórdi. Basylym qazaq tilinde 5 myń danamen shyǵarylady. Quryltaıshysy Qazaqstan jazýshylar odaǵy.

4 jyl buryn (2010) Memleket basshysy N.Nazarbaev «Ujymdyq qaýipsizdik týraly kelisim uıymynyń Ujymdyq jeled kúshteri týraly kelisimi ratıfıkatsııalaý týraly» zańyna qol qoıdy

2 jyl buryn (2012) Pavlodarda «Balaýsa-2012» balalar shyǵarmashyǵy festıvali bastaldy.

2 jyl buryn (2012) Ulttyq akademııalyq kitaphanada QR Parlament Senatynyń depýtaty Ádil Ahmetovtyń «Eýrazııa kody:besinshi órkenıettiń qarsańynda» atty kitabynyń tanystyrylymy ótti.

2 jyl buryn (2012) RF Prezıdenti Dmıtrıı Medvedev M.Gorkıı atyndaǵy Orys akademııalyq drama teatrynyń ártisi Natalıa Kosenkony «Dostyq» ordenimen marapattady. Ordendi Reseıdiń Qazaqstandaǵy elshisi Mıhaıl Bocharnıkov tabystady.

1 jyl buryn (2013) qazaqstandyq operator «Ýrokı garmonıı» fılmi úshin Berlın kınofestıvaliniń júldesine ıe boldy.

204 jyl buryn (1810) Abhazııa Reseı ımperııasynyń quramyna endi.

78 jyl buryn (1936) KSRO-nyń dopty hokkeıden І chempıonaty bastaldy.

67 jyl buryn (1947) Halyqaralyq zańgerler birlestigi quryldy.

67 jyl buryn (1947) «Amerıka daýysy» radıostansasy Keńes odaǵynda habar taratýdy bastady.

39 jyl buryn (1975) Máskeýde keńestik-aǵylshyndyq ıadrolyq qarýdy taratpaý týraly deklaratsııaǵa qol qoıyldy.

35 jyl buryn (1979) Qytaı áskeri Vetnamǵa shabýl jasap, qytaı-vetnamdyq soǵysy bastaldy.

31 jyl buryn (1983) Ada baǵdarlamalaý tili dúnıege keldi.

21 jyl buryn (1993) Reseıde «Gazprom» RAQ quryldy

20 jyl buryn (1994) TMD elderiniń ІІM «Uıymdasqan qylmyspen kúresýdegi ózara yntymaqtastyq týraly kelisimge» qol qoıdy.

ESІMDER

110 jyl buryn (1904-2002) tarıh ǵylymynyń doktory, Uly Otan soǵysy ardageri MIHAILOV Fedor Kýzmıch dúnıege keldi.

Qazaq pedagogıkalyq ınstıtýtynyń tarıh fakýltetin bitirgen. Qazaqstan Ǵylym akademııasy Tarıh, arheologııa jáne etnografııa ınstıtýtynda qyzmet istegen. Ǵalymnyń negizgi ǵylymı jumystary Qazaqstannyń agrarlyq jáne tyń jerlerdi ıgerý máselelerine arnalǵan.

Eki márte «Qyzyl juldyz» ordenimen, medaldarmen marapattalǵan.

10 1 jyl buryn (1913-1965) akter, Qazaqstannyń eńbek sińirgen ártisi ÓMІRZAQOV Kaması dúnıege keldi.

Almaty oblysynda týǵan. Qazaq akademııalyq drama teatry janynda uıymdastyrylǵan stýdııada oqyǵan. Qazaq akademııalyq drama teatrynda, Birikken ortalyq kınostýdııada, Qazaq akademııalyq balalar men jasóspirimder teatrynda akter bolǵan. Teatr sahnasynda Shońmuryn (M.Aqynjanov «Ybyraı Altynsarın»), Dalbashan (Q.Satybaldın «Aıakóz arýlary»), Mıller (F.Shıller «Mahabbat pen zulymdyq»), Karlo ataı (A.Tolstoı «Altyn kilt»), Qarashor (Sh.Qusaıynov «Aldar kóse»), t.b. rólderin oınaǵan. Sondaı-aq «Jambyl», «Abaı áni», «Ivan Groznyı», «Shoqan Ýalıhanov», t.b. fılmderine túsken.

8 3 jyl buryn (1931-1992) tarıh ǵylymdarynyń doktory, professor, Qazaqstan Respýblıkasy Ǵylym akademııasynyń akademıgi, Qazaqstan Respýblıkasy Ǵylym akademııasy Shoqan Ýálıhanov atyndaǵy syılyǵynyń laýreaty SÚLEIMENOV Ramazan Bımashuly dúnıege keldi.

Astana qalasynda týǵan. S.M. Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), Qazaqstan Respýblıkasy Ǵylym akademııasy Tarıh, arheologııa jáne etnografııa ınstıtýtynyń aspırantýarsyn bitirgen.

1959-1988 jyldary - Qazaqstan Respýblıkasy Ǵylym akademııasy Tarıh, arheologııa jánee etnografııa ınstıtýtynyń kishi, aǵa ǵylymı qyzmetkeri, bólim meńgerýshisi, dırektorynyń orynbasary, dırektory. 1986-1992 jyldary - Qazaqstan Respýblıkasy Ǵylym akademııasy Qoǵamdyq ǵylymdar bólimshesiniń akademık-hatshysy. 1992 jyly Qazaqstan Respýblıkasy Ǵylym akademııasynyń Uıǵyrtaný ınstıtýty janyndaǵy Shyǵystaný ortalyǵynyń jetekshisi qyzmetterin atqarǵan.

Birneshe kitaptyń avtory, 240-tan astam ǵylymı eńbekteri jarııalanǵan. Qazaq KSR Joǵarǵy Keńesiniń Qurmet gramotasymen, medalmen marapattalǵan.

7 6 jyl buryn (1938-2007) ánshi, Qazaqstannyń eńbek sińirgen ártisi KIM Vladımır Aleksandrovıch dúnıege keldi.

Batys Qazaqstan oblysynyń Terekti aýdanynda týǵan. Almaty konservatorııasyn bitirgen. Qazaq fılarmonııasynyń ánshisi bolyp, «Arıran» estradalyq Ansamblin uıymdastyrǵan. 1972-1974 jyldary «Qazaqkontsert» birlestiginiń ánshisi bolǵan. Onyń oryndaýyndaǵy T.Bazarbaevtyń «Aýylym», Sh.Qaldaıaqovtyń «Ana týraly jyr», E.Hasanǵalıevtyń «Saǵyndym seni», «Eligim erkem», Abaıdyń «Aıttym sálem, Qalamqas», qazaq halyq áni «Aınamkóz», t.b. ánder Qazaq radıosynyń altyn qoryna qabyldanǵan.ánshi gastroldik saparmen Koreıde, Qytaıda, Japonııada, Reseıde, AQSh-ta bolyp, óner kórsetken.

7 5 jyl buryn (1939) jýrnalıst, aqyn, Qazaqstan Jýrnalıster odaǵynyń múshesi, Qazaqstannyń eńbek sińirgen mádenıet qyzmetkeri KÓShENOV Ǵarıfolla dúnıege keldi.

Batys Qazaqstan oblysynyń Bókeı ordasy aýdanynda týǵan. Qazaq memlekettik ýnıversıtetin bitirgen. Batys Qazaqstan oblystyq «Oral óńiri» gazetiniń tilshisi, bólim meńgerýshisi, jaýapty hatshysy, redaktordyń orynbasary, bas redaktory, oblystyq teleradıokompanııanyń tóraǵasy qyzmetterin atqardy. «Jas dáýren», «Keń jaılaý» jınaqtaryna toptama óleńderi, «Eńbek dańqy» kitabyna ocherki endi. Aıtystary 1958 jyly «Aqyndar úni» jınaǵynda jarııalandy.

7 5 jyl buryn (1939) pedagogıka ǵylymynyń doktory, professor ÁBDІKÁRІMOV Bolat dúnıege keldi.

Qaraǵandy oblysynyń Nura aýdanynda týǵan. Qaraǵandy polıtehnıkalyq ınstıtýtyn bitirgen. 1990-1994 jyldary - Qazaqstan Respýblıkasy Bilim mınıstriniń orynbasary. 1994-1995 jyldary - Qazaqstan Respýblıkasy Joǵarǵy Keńesi Bilim, ǵylym jáne jańa tehnologııalar komıteti tóraǵasynyń orynbasary. 1995-1996 jyldary - Qazaqstan Respýblıkasy Bilim mınıstrligi janyndaǵy Kásibı-tenıkalyq bilim jónindegi komıtettiń tóraǵasy. 1996-1997 jyldary - Qazaqstan Respýblıkasy Parlamenti Senaty apparatynyń sektor meńgerýshisi. 1997 jyldan Eýrazııa gýmanıtarlyq ınstıtýtynyń kafedra meńgerýshisi, professory bolyp isteıdi. Ǵalymnyń 90-nan astam ǵylymı eńbegi bar.

«Qurmet belgisi» ordenimen, medaldarmen marapattalǵan.

7 3 jyl buryn (1941-2006) Qazaqstan Respýblıkasy Áleýmettik ǵylymdar akademııasynyń Qurmetti múshesi, qoǵam qaıratkeri SAǴITJANOV Serik Qabdyhalyquly dúnıege keldi.

Atyraý qalasynda týǵan. I.M.Gýbkın atyndaǵy Máskeý munaı ınstıtýtyn bitirgen.

1965-1967 jyldary - Gýrev mashına jasaý zaýytynyń sheberi, ınjener-tehnology, aǵa ınjeneri. 1967-1970 jyldary - «Baıshonas» munaı óndiristik basqarmasynyń mehanıgi, bas mehanıgi. 1970-1976 jyldary - «Jaıyqmunaı», «Dossormunaı» munaıgaz óndirý basqarmasynyń bas mehanıgi. 1976-1977 jyldary - Dossor eldi-mekenindegi óndiristik qyzmet kórsetý ortalyq qoımasynyń bastyǵy. 1977-1983 jyldary - Novobogatınsk aýdandyq partııa komıtetiniń ekinshi hatshysy. 1983-1985 jydary - Novobogatınsk aýdandyq atqarý komıtetiniń tóraǵasy. 1985-1988 jyldary - Maqat aýdandyq atqarý komıtetiniń tóraǵasy. 1988-1990 jyldary - Gýrev qalalyq Halyqtyq baqylaý komıtetiniń tóraǵasy. 1991-1992 jyldary - «Gýrevmunaıgazgeologııa» bas dırektorynyń orynbasary. 1992-1993 jyldary - Maqat aýdany ákimshiliginiń basshysy. 1993-1994 jyldary - Atyraý oblysy ákimshiligi basshysynyń orynbasary. 1994-1999 jyldary - «Teńizmunaıgaz» AQ-ynyń bas dırektory, prezıdenti. 1999-2000 jyldary - «Qazaqoıl-Embi» AAQ óndiristik qyzmet kórsetý ortalyq qoımasynyń bastyǵy. 2001-2002 jyldary - «Jigermunaıservıs» JShS-iniń dırektory qyzmetterin atqarǵan. 2002 jyldan zeınetkerlik demalysynda bolǵan.

Qurmet ordenimen jáne medaldarmen marapattalǵan.

6 5 jyl buryn (1949) «Qazatomónerkásip» Ulttyq atom kompanııasy» AQ basqarma tóraǵasy ShKOLЬNIK Vladımır Sergeevıch dúnıege keldi.

Reseıde týǵan. Máskeý fızıka-matematıka ınstıtýtyn bitirgen. Mańǵystaý energokombınatynyń ınjener-fızıgi, zerthana bastyǵynyń orynbasary, bas ınjeneri, dırektordyń orynbasary qyzmetterin atqarǵan. 1992-1994 jyldary - Qazaqstan Respýblıkasy Atom energetıkasy jónindegi agenttiginiń bas dırektory. 1994-1996 jyldary - QR Ǵylym jáne jańa tehnologııalar mınıstri. 1996-1999 jyldary - QR Ǵylym akademııasynyń prezıdenti jáne Ǵylym mınıstri. 1999-2000 jyldary - QR Ǵylym jáne joǵary bilim mınıstri, QR Energetıka, ındýstrııa jáne saýda mınıstri. 2000-2007 jyldary aralyǵynda Qazaqstan Respýblıkasy Premer-Mınıstriniń orynbasary, Energetıka jáne mıneraldyq resýrstar mınıstri, QR Indýstrııa jáne saýda mınıstri. 2007-2008 jyldary Qazaqstan Respýblıkasy Prezıdenti Ákimshiligi Basshysynyń orynbasary qyzmetin atqardy. 2008 jyldan Qazaqstan Respýblıkasy Indýstrııa jáne saýda mınıstri. 2009 jyldan qazirgi qyzmetinde. Fızıka-matematıka ǵylymdarynyń doktory, professor. 200-den astam ǵylymı eńbektiń avtory.

«Parasat» ordenimen, medaldarmen marapattalǵan.

5 9 jyl buryn (1955) bokstan sport sheberi, Qazaqstannyń eńbek sińirgen jattyqtyrýshysy B Ý DANBEKOV Damır Bultpaıuly dúnıege keldi.

Jambyl oblysynda týǵan. 10 jasynan bokspen aınalysqan. Jattyqtyrýshysy - Qazaqstannyń eńbek sińirgen jattyqtyrýshysy ıÝrıı Tshaı. Qazaqstannyń jasóspirimder arasynda, jastar arasynda ótken birinshilikterdiń birneshe márte jeńimpazy. 1974 jyly Qazaqstannyń chempıony bolǵan. KSRO kýbogynyń, Gorkıı qalasynda ótken Jastar oıynynyń qola júldegeri atanǵan.

Elimizdegi belgili boksshylar Tımýr Nuralıev, Bolat Nııazymbetovtar men Qytaı Halyq Respýblıkasynyń chempıondary A.Ábdirahman, Z.Nurtaıdy jattyqtyrǵan.

5 8 jyl buryn (1956) Qazaqstan Respýblıkasy Tabıǵı monopolııalardy retteý agenttiginiń Almaty oblysy boıynsha departamentiniń dırektory TÚIMEBAEV Baıseıit Qanseıituly dúnıege keldi..

Ońtústik Qazaqstan Alǵabas aýdanda týǵan. Qazaq hımııalyq tehnologııalyq ınstıtýtyn, Qazaq memlekettik basqarý akademııasyn bitirgen..

1979-1987 jyldary - Shevchenko plastmas zaýytynyń sheberi, ınjeneri, aǵa ınjeneri. 1987-1988 jyldary - Mańǵyshlaq oblystyq atqarý komıtetiniń jetekshi mamany, tóraǵa orynbasarynyń referenti. 1988-1989 jyldary - «Qarajan-bastermmunaı» munaı-gaz óndirý basqarmasynyń basqarma bastyǵy, Shevchenko qalasyndaǵy oblystyq turǵyn-úı kommýnaldyq sharýashylyǵynyń bólim bastyǵy. 1989-1992 jyldary - Shymken oblystyq atqarý komıteti tóraǵasynyń ekonomıkalyq keńesshisi, komıtet tóraǵasy birinshi orynbasarynyń kómekshisi, komıtet tóraǵasy orynbasarynyń kómekshisi. 1992-1999 jyldary - Ońtústik Qazaqstan ákimshiligi basshysy orynbasarynyń referenti, jetekshi mamany, Ońtústik Qazaqstan ákimi birinshi orynbasarynyń aǵa referenti,bas mamany. 1999-2002 jyldary - Qazaqstan Respýblıkasy Tabıǵı monopolııalardy retteý, básekelestikti qorǵaý jáne shaǵyn bıznesti qoldaý agenttigi Ońtústik Qazaqstan oblysy boıynsha departamentiniń bólim meńgerýshisi. 2002-2007 jyldary - Qazaqstan Respýblıkasy Tabıǵı monopolııalardy retteý, básekelestikti qorǵaý jáne shaǵyn bıznesti qoldaý agenttigi - Tabıǵı monopolııalardy retteý agenttiginiń Ońtústik Qazaqstan oblysy boıynsha departamentiniń dırektory, basqarma bastyǵy. 2007-2008 jyldary - Ońtústik Qazaqstan oblysy Báıdibek aýdanynyń ákimi, Qazaqstan Respýblıkasy Básekelestikti qorǵaý Tabıǵı monopolııalardy retteý agenttiginiń Almaty oblysy jáne Almaty qalasy boıynsha aımaq aralyq ınspektsııasynyń bastyǵy qyzmetterin atqarǵan. 2008 jyldan - qazirgi qyzmetinde.

5 5 jyl buryn (1959) QR Óńirlik damý vıtse-mınıstri NOKIN Serik Keńesuly dúnıege keldi.

Aqtóbe oblysynda týǵan. 1982 jyly Saratov joǵarǵy áskerı-ınjenerlik ýchılışeni, 2003 jyly

T. Rysqulov atyndaǵy Qazaq ekonomıkalyq ýnıversıtetin támamdady. 1982-1995 jyldary Aqtóbe hrom qosylystary zaýytynyń masteri, tseh bastyǵynyń orynbasary, tseh bastyǵy, kommertsııalyq máseleler jónindegi dırektordyń orynbasary bolyp jumys istedi. 1995-1998 jyldary «Aqtóbe hrom qosylystary zaýyty» AQ basqarma tóraǵasy, prezıdenti boldy. 1998-2002 jyldary - «Jylýenergııa» AQ prezıdenti, dırektory. 2002-2006 jyldary - Atyraý oblysy ákiminiń orynbasary. 2006-2008 jyldary - Aqtóbe qalasynyń ákimi, Aqtóbe oblysy ákiminiń orynbasary. 2008 jylǵy qazannan bastap 2009 jylǵy shildege deıin Qazaqstan Respýblıkasy Indýstrııa jáne saýda mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy.2009 jylǵy shildeden bastap Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń tóraǵasy.Qazirgi qyzmetinde - 2013 jylǵy aqpannan beri.

Qurmet» ordenimen (2005); «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan..

1389 jyl buryn (625-705) qytaı ımperatory Taıtszýnniń tutqynyndaǵy áıel, Qytaıdy qyryq jyl basqarǵan Ý HOÝ dúnıege keldi.

23 3 jyl buryn (1781-1826) frantsýz dárigeri jáne anatomy, stetoskopty jasaǵan ónertapqysh, klınıkalyq-anatomııalyq ádistiń negizin qalaǵan LAENNEK Rene Teofıl Marı Gıatsınt dúnıege keldi.

1 40 jyl buryn (1874-1956) amerıkandyq ónerkásipshi, elektrondyq jazý mashınkasyn jáne esepteý tehnıkasyn iri óndirýshi ІVM fırmasynyń negizin qalaǵan Tomas ÝOTSON dúnıege keldi.

13 4 jyl buryn (1880-1928) meksıkalyq áskerı jáne saıası qaıratker, Meksıka revolıýtsııasyna qatysýshy, 1920-1924 jyldardaǵy Meksıka prezıdenti Alvaro Obregon Salıdo dúnıege keldi.

67 jyl buryn (1947) estrada ánshisi, aqyn, kompozıtor, RF eńbek sińirgen ártisi MALEJIK Vıacheslav dúnıege keldi.