17,4 mıllıon adam sanaq saýaldaryna jaýap berdi
NUR-SULTAN. QazAqparat – 17,4 mıllıonnan astam adam sanaq saýaldaryna jaýap berdi, dep habarlaıdy QazAqparat Ulttyq statıstıka bıýrosyna silteme jasap.
Ulttyq statıstıka bıýrosynyń basshysy Nurbolat Aıdapkelovtiń aıtýynsha, qazaqstandyqtardyń 91,6%-i nemese 17 428 058 adam Jalpyulttyq halyq sanaǵyna qatysty. Azamattardyń 40,4%-i sanaqtan onlaın, 51,2%-i oflaın ótti.
«Sanaqtan ótkender sany boıynsha Almaty qalasy kósh bastap tur. Munda sanaqqa qatysqandar qatary buǵan deıin tirkelgen halyq sanyna shaqqanda 107,5%-y. ıAǵnı, qolda bar málimet boıynsha Almaty turǵyndarynyń sany 2 005 496 dep kórsetilgen. Al sanaq saýaldaryna 2 154 907 adam jaýap bergen. Demek, halyq sanaǵy qazirdiń ózinde megapolıs halqynyń naqty sanyn kórsetýge kómektesetinin senimmen aıta alamyz»,- dedi Nurbolat Aıdapkelov.
Ekinshi orynda Túrkistan oblysy, onda halyq sanaǵyna 98,6% nemese 2 032 333 adam qatysty. Úshinshi orynda Jambyl oblysy, mundaǵy sanaqtan ótkender sany halyqtyń 98,6%-in nemese 1 129 863 adamdy qamtıdy.
