17-20 mamyrda Astanada jáne respýblıkanyń 6 óńirinde túnde úskirik júredi dep kútilýde
ASTANA. 15 mamyr. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 16 mamyrda respýblıkanyń basym aýmaǵynda atmosferalyq aǵymdardyń ótýine baılanysty jekelegen jerlerde
naızaǵaımen jaýyn-shashyn bolyp, jel kúsheıedi, respýblıkanyń soltústiginde aýa temperatýrasy tómendeıdi.
Aqmola, Qostanaı, Pavlodar, Qaraǵandy, Shyǵys Qazaqstan, Qyzylorda, Atyraý, Batys Qazaqstan, kúndiz Jambyl, Mańǵystaý, Ońtústik Qazaqstan oblystarynyń keı jerlerinde 15-20 m/s-qa deıin jel kúsheıedi. Túnde Soltústik Qazaqstan oblysynyń jekelegen jerlerinde tuman bolady.
15-17 mamyrda Qostanaı, Soltústik Qazaqstan, 16-17 mamyrda Aqmola, Pavlodar oblystarynda kúndiz aýa temperatýrasy 15-20 gradýsqa deıin tómendeıdi, keı jerlerde 23 gradýs jylylyqty kórsetedi.
17-20 mamyrda túnde Astana, Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda -3 gradýsqa deıin úskirik bolady dep kútilýde.
Respýblıkanyń ońtústiginde, ońtústik-shyǵystyń jekelegen jerlerinde, shyǵysynda órttiń joǵary qaýpi baıqalady dep kútilýde.
Aldaǵy táýlikterde respýblıkanyń ońtústik jáne ońtústik-shyǵysynyń taýly ózenderinde sý deńgeıiniń aýytqýshylyǵy baıqalady. Batys Altaıdyń jekelegen ózenderinde sý deńgeıi artady.
