17-19 mamyrda elimizdiń basym bóliginde qar aralas jańbyr jaýady
ASTANA. QazAqparat - «Qazgıdromet» RMK 2016 jylǵy 17-19 mamyrǵa arnalǵan aýa raıy boljamyn jarııalady.
«Jaýyn-shashyn, keı jerlerde sýly qar týyndatqan sýyq atmosferalyq front, soltústik oblystardan ońtústik-shyǵysqa qaraı jyljyp keledi. Aldaǵy táýlikterde osy fronttarǵa baılanysty respýblıkanyń ortalyq aýdandaryna jaýyn-shashyn jaýyp, shyǵysyna eki táýlik boıy - arty sýly qarǵa aýysatyn, jaýyn-shashyn túsedi. Sondaı-aq sýyq fronttyń ótýine qaraı, Qazaqstannyń ońtústigi men ońtústik-shyǵysynda - jańbyr, taýly aýdandarynyń ońtústik-shyǵysynda - qatty jaýyn kútilýde. Al respýblıkanyń soltústik aýdandaryna Batys Sibir aýmaǵynan sýyq antıtsıklon jyljyp keledi. Soǵan baılanysty ol jerlerde túngi ýaqytta úsik saqtalyp, ol oblystyń ortalyǵy men shyǵysyna jaıylatyn bolady, sondyqtan aldaǵy úsh táýlikte osy oblystardaǵy temperatýra ádettegiden 2-6º tómen bolady», - dep jazylǵan habarlamada.
