167 bas maldy urlaǵan uıymdasqan qylmystyq top ustaldy
«QR Іshki ister mınıstrligi Krımınaldyq polıtsııa departamenti Pavlodar oblystyq Polıtsııa departamentimen birlesip uıymdastyrǵan arnaıy operatsııa barysynda Semeı qalasynda urlanǵan 40 bas jylqyny aıdap ótý kezinde 5 adamnan turatyn óńiraralyq qylmystyq top ustaldy. Bul toptyń, sondaı-aq Pavlodar, Shyǵys Qazaqstan jáne Qaraǵandy oblystarynda mal urlyǵynyń 6 qylmysyn jasaǵany dáleldendi. Olar barlyǵy 167 bas mal urlaǵan. Tintý kezinde kúdiktilerden urlanǵan taǵy 67 jylqy, avtokólik jáne eki mototsıkl tabyldy», - delingen habarlamada.
Anyqtalǵandaı, qylmystyq top músheleriniń óz qyzmeti jáne róli bolǵan. Urlanǵan mal aldyn ala daıyndalǵan jerge aıdalyp, soıylǵan mal eti tanys satýshylarǵa jóneltilip otyrǵan.
Qylmystyq topqa qatysty QR QK-niń 262-baby (Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý) boıynsha qosymsha qylmystyq ister qozǵaldy. Bul bap uıymdasqan qylmystyq topty qurý, oǵan basshylyq etý jáne oǵan qatysqany úshin 12 jylǵa bas bostandyǵynan aıyrýdy, múlkin tárkileýdi qarastyrady.
Aıta keteıik, óńirlerde mal urlyqtarynyń jolyn kesý boıynsha mamandandyrylǵan jedel-izdestirý toptary quryldy. Qylmystyq kodekske «Mal urlyǵy» jeke baby engizildi, ol 12 jylǵa deıin bas bostandyǵynan aıyrýdy, múlkin tárkileýdi kózdeıdi.
Budan bólek, qylmysty birneshe ret jasaǵany, sondaı-aq úı-jaılarǵa (saraı, qora jáne taǵy basqasy) kirip, urlyq jasaǵany úshin jaza qatańdatyldy. Bul belgiler aýyr qylmystar sanatyna aýystyrylǵandyqtan kúdiktiler men taraptardyń tatýlasýyna baılanysty jaýapkershilikten qutylý múmkin emes.
«Bul sharalar sońǵy bes jyl ishinde mal urlyǵynyń 35 paıyzǵa tómendeýine yqpal etti, onyń ishinde urlanǵan janýarlardyń sany eki ese azaıdy. Osy jyly mal urlyǵynyń sany 26,9% tómendedi, olardyń ashylýy 6,7% (61,1%) jaqsardy, urlanǵan 2 618 mal basynyń 1634-i nemese 62,4% tabylyp, qaıtaryldy», - dedi polıtsııadan.
