165 jańa avtobýs satyp alynady – Qaraǵandy oblysynyń ákimi

ASTANA. QazAqparat – Qaraǵandy oblysynyń ákimi Ermaǵanbet Bólekpaev óńirde avtobýs parkin jańartý jospary jáne ONAY! elektrondy bılet júıesin engizýdiń artyqshylyqtary týraly aıtty, dep habarlaıdy QazAqparat tilshisi.

«Avtobýs parkin jańartý boıynsha úlken josparlarymyz bar. Bıyl 165 jańa avtobýs satyp alamyz. Onyń 33-i seriktes qalalarmen marshrýttarda jumys isteıtin bolady. Barlyq avtobýstar otandyq óndirýshi – Saran qalasyndaǵy QazTehna zaýytynan satyp alynady», - dedi Qaraǵandy oblysynyń ákimiOrtalyq kommýnıkatsııalar qyzmetindegi baspasóz máslıhatynda.

Onyń aıtýynsha 2021 jyldyń sońynda engizilgen ONAY! elektrondy bılet júıesi qoǵamdyq kólik jolaýshylarynyń ómirin aıtarlyqtaı jeńildetti. ONAY! Qaraǵandy avtobýstarynda da, oblys ortalyǵyn seriktes qalalarmen baılanystyratyn marshrýttarda da jumys isteıdi. Júıe bıletteý protsesin ashyq jáne jarııaly etýge múmkindik berdi. Sonymen birge qalaaralyq marshrýttarda jol júrý quny eki ese arzandady.

«Qaraǵandy aglomeratsııasynyń 30 myńnan astam turǵyny úshin, atap aıtqanda, kún saıyn oblys ortalyǵyna keletinder úshin bul jaqsy qoldaý men únemdeý boldy. Bıletteý júıesimen Qaraǵandydan Temirtaý, Shahtınsk, Saran, Abaı qalalaryna, sondaı-aq Shahan jáne Topar kentterine marshrýttar qamtyldy. 1 mamyrdan bastap Qaraǵandyda 7 jastan 18 jasqa deıingi balalarǵa tegin jol júrýdi qamtamasyz ettik. Jaqyn arada elektrondyq bılettendirýdi engizý máselesi Balqash pen Temirtaýda pysyqtalatyn bolady», - dedi Ermaǵanbet Bólekpaev.