1600-den astam azamat jaýapkershilikke tartyldy: ІІM betti jabýǵa qatysty normany eske saldy
ASTANA.KAZINFORM - Іshki ister mınıstrligi qoǵamdyq oryndarda adamnyń túr-sıpatyn tanýǵa kedergi keltiretin kıimderdi kııýge tyıym salynǵanyn eske saldy.
Bul talap «Quqyq buzýshylyq profılaktıkasy týraly» zańda kózdelgen. Tyıym aýa raıy jaǵdaılaryna jáne medıtsınalyq usynymdarǵa qatysty qoldanylmaıdy. Sondaı-aq qyzmettik mindetterdi atqarý, sporttyq jáne mádenı is-sharalarǵa qatysý kezinde de tyıym salynbaıdy. ÁQBtK-niń 434-3-babyna sáıkes, alǵash ret quqyq buzǵandarǵa eskertý jasalady.
Bir jyl ishinde qaıtalansa, 10 AEK kóleminde aıyppul salynady. Qazirgi ýaqytta atalǵan quqyq buzýshylyq úshin 1613 azamat ákimshilik jaýapkershilikke tartylǵan. ️
ІІM bul talap qoǵamdyq qaýipsizdikti qamtamasyz etýge baǵyttalǵanyn atap ótti.
Betti tolyq jabýǵa qatysty Qazaqstan musylmandary dinı basqarmasy málimdeme jasaǵanyn jazǵan edik.
