160 myń evroǵa satylǵan sýret túpnusqa bolmaı shyqty
ASTANA. QazAqparat - Brıtandyq bıznesmenniń 160 myń evrodan astam qarjyǵa satyp alǵan sýretiniń túpnusqa emestigi ári joıylatyndyǵy eskertildi.
1992 jyly Martın Lang tanymal qylqalam sheberi Mark Shagaldyń óner týyndysyn satyp alǵan bolatyn. Alaıda ýaqyt óte kele ol sýrettiń túpnuqsa ekendigine kúmán keltirip, ony tekserý úshin Parıjdegi Shagal komıtetine jibergen.
Shagaldyń bedelin qorǵaý maqsatynda onyń urpaqtarynyń qatysýymen qurylǵan komıtet sýrettiń túpnusqa emes ekendigin anyqtady. Endi Frantsııa zańyna sáıkes jalǵan óner týyndysy joıylýy tıis, dep habarlady VVS.
