160 myń dollarǵa ana «satyp alǵysy» keledi
ASTANA. QazAqparat - Qytaıdaǵy Sychýan provıntsııasynyń turǵyny anasynyń bolǵanyn qatty qalaıdy eken. Tipti onyń anasy bolýǵa kelisim bergen kez kelgen áıelge 1 mln. ıýan (160 000 dollar) berýge ázir.
30 jastaǵy Kýan-Iın Tsýıdyń bul usynysy Qytaı ǵalamtorlaryn dúr silkindirdi, dep jazady sheteldik BAQ.
Turǵyndardyń aıtýyna qaraǵanda, Kýan-Iın kún saıyn Fangý saıabaǵynda otyratyn kórinedi. Ol tipti ana izdeý úshin arnaıy plakat ta ilip qoıypty. Er adamnyń «anasyna» qoıǵan talaptary boıynsha, áıel adamnyń jas shaamsy 57 jas bolý kerek, bilimi bar jáne esirtki qoldanbaǵan bolý shart. Onyń sózine qaraǵanda, sońǵy sheshimdi, árıne, ózi qabyldaıdy. Eger ol áıelge qandaı da bir meıirimdilik sezinse, anasy etip qabyldaýǵa ázir eken. Kýan-Iın Tsýı balalar úıinde ósken. Sondyqtan da ol ana meıirimi men áke mahabbatynan, qoldaýynan shet qalǵan bolatyn.
