160 mln teńgeni jymqyrǵan temirjol kúzetiniń basshylary 7-8 jyl túrmede otyrady

ASTANA. KAZINFORM - Astana qalasynyń qylmystyq ister jónindegi aýdanaralyq soty «Áskerılendirilgen temirjol kúzeti» JShS bas dırektory B. Nahanovqa, onyń orynbasary A. Muqataevaǵa jáne menedjer R. Sıdıkovqa úkim shyǵardy. 

Olar beınebaqylaý jabdyqtaryn satyp alýǵa bólingen 159,4 mln teńge aqshany jymqyrǵany úshin kináli dep tanyldy.

Sondaı-aq, Nahanov áskerılendirilgen temirjol kúzetiniń júrgizýshisi retinde adamdy jumysqa ornalastyrý arqyly laýazymdyq ókilettigin asyra paıdalanǵany úshin sottaldy.

Sot úkimimen Nahanovqa 8 jyl bas bostandyǵynan aıyrý jazasy taǵaıyndaldy.

Sol úkimmen Muqataeva men Sıdıkov 7 jylǵa bas bostandyǵynan aıyryldy.

Atalǵan adamdar memlekettik qyzmette qyzmet atqarý quqyǵynan ómir boıyna aıyryldy.

Úkim zańdy kúshine engen joq.