160 mıllıon rýbl urlaǵan hakerler Máskeýde ustaldy
ASTANA. 21 naýryz. QazAqparat - Lifenews agenttiginiń habarlaýynsha, Máskeýde Reseı ІІM qyzmetkerleri el aýmaǵy boıynsha kommertsııalyq uıymdardan kem degende 60 mln rýbl jymqyrǵan hakerler bandasyn quryqtady.
8 adamnan quralǵan bandany 26 jáne 29 jasar aǵaıyndy máskeýlikter basqarǵan. «Top músheleri "Carberp" jáne "RDP-door" dep atalatyn troıandyq vırýstardy «Bank-Klıent» júıesimen jumys jasaıtyn uıymdardyń kompıýterlerine jiberip, sol júıelerdegi aqshalardy jymqyryp otyrǵan», - deıdi RF ІІM qyzmetkerleri.
Hakerler fırmalardyń aqshasyn aldyn ala daıyndalǵan shottarǵa aýdaryp, sodan keıin ony birneshe shottar arqyly «izin sýytyp» baryp, jalǵan tulǵalardyń atyna rásimdelgen kartochkalarǵa túsirip, sosyn qalanyń ár jerindegi bankomattardan shyǵaryp alyp otyrǵan kórinedi.
