160 bala «elektrondyq úkimetten» syılyq alady
Bul týraly «Ulttyq aqparattyq tehnologııalar» AQ-nyń baspasóz qyzmetinen habarlady.
Olardyń esimderin «elektrondyq úkimettiń» portalynan tabýǵa bolady: https://www.egov.kz/wps/portal/Content?contentPath=/library2/extra/dop%20stat/article/bal1909&lang=kk (qazaqsha)
https://www.egov.kz/wps/portal/Content?contentPath=/library2/extra/dop%20stat/article/bal1909&lang=ru. (oryssha)
Aktsııa jaz boıy 1 maýsymnan 31 tamyzǵa deıin ótti. Іs-sharanyń sharty boıynsha syılyqtardy «Mektepke deıingi jastaǵy balany balabaqsha kezegine tirkeý» qyzmetin paıdalanǵan ár 6-shy ata-ananyń balasy alady. Ol úshin elektrondyq-sandyq qoltańba (ESQ) bolýy shart emes, bar bolǵany balanyń JSN-ny, nemese tolyq aty-jóni men týý týraly kýáligi bolsa jetkilikti.
Balany balabaqshaǵa ornalastyrýdyń bul túri dástúrli túrinen anaǵurlym tıimdi. Eshqaıda barýdyń, sansyz kezekterde turýdyń qajeti joq. «Elektrondyq úkimet» portalynda ata-ana bar-joǵy birneshe mınýtta aryzdy toltyryp, jiberse boldy, HQKO-ǵa nemese bilim basqarmasyna barmaı-aq qoıýǵa da bolady. Esepke qoıý týraly habarlama qoldanýshynyń jeke kabınetine 3 jumys kúninde kelip túsedi.
Kezektiń jyljýy týraly aqparatty «balabaqshaǵa kezektiń nómirin kórý» qyzmeti arqyly baqylap otyrýǵa bolady. Ol portaldyń bas betiniń oń jaǵynda turady. Sonymen qatar, bul qyzmetti balasyn balabaqshaǵa dástúrli jolmen tizimdegen ata-ana da paıdalana alady.
Qyzmettiń barlyq túrleri týraly suraqtarǵa call-ortalyqtyń mamandary jaýap beredi nemese 1414 nómirine habarlasýǵa bolady. Qazaqstannyń kez kelgen jerinen uıaly jáne úı telefondarynan qońyraý shalý - tegin.
