16 jastaǵy Ǵ.Іzjanov teńge ilýden ótken І ashyq Azııa chempıonatynda jeńimpaz atandy
ASTANA. QazAqparat - Búgin elordada tól ónerimiz teńge ilýden Azııanyń alǵashqy ashyq chempıonaty ótti, dep habarlady 24.kz.
Tusaýy kesilgen tuńǵysh baıraqty básekege 10 eldiń eń úzdik sportshylary qatysyp, ózara myqtyny anyqtady. Teńge ilý oıynynyń erejeleri kúlli qazaq balasy úshin jaqsy tanys. Biraq alys-jaqyn shetelden jarysqa kelgender ony tolyqqandy bile bermeıdi. ıAǵnı, sáıgúlik mingen jigit 100 metrdeı jerden ekpindete shaýyp kelip, sol aǵynymen jerdegi oramaldy ilip áketýge tıis. Onda irkilýge, toqtaýǵa ne attyń shabysyn báseńdetýge bolmaıdy. Osylaısha, 10 elden kelgen sportshylar óz baǵyn synady. Biraq barlyǵynyń birdeı joly bolmady. Tek, Ońtústik Qazaqstannan kelgen Ǵalymjan Іzjanov qana qoıylǵan tapsyrmany múltiksiz oryndap, alǵashqy qurlyqtyq chempıonattyń jeńimpazy atandy. Onyń jasy bar bolǵany 16-da. Soǵan qaramastan attyń qulaǵynda oınap, erekshe eptiligimen kózge túse bildi. Sonymen qatar, Astanadaǵy atshabarda asaý úıretýden respýblıkalyq týrnır boldy.
