16 jastaǵy aqmolalyq kir tasyn kóterýden eki dúrkin Qazaqstan chempıony atandy
KÓKShETAÝ. QazAqparat -Aqmolalyq kir tasyn kóterýshi Álibek Janbolat eki dúrkin Qazaqstan chempıon atandy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń deregi boıynsha, Pavlodar oblysynda ótken kir tasyn kóterý boıynsha QR Chempıonatynda 16 jasar aqmolalyq jarys jeńimpazy atandy.
Elimizdiń ár óńirinen jınalǵan 200 sportshynyń arasynda 73 keli salmaq boıynsha synǵan túsken 16 jasar Álibek Janbolat úzdik nátıje kórsetip, eki dúrkin el chempıony atandy. Tselınograd aýdanyndaǵy balalar men jasóspirimderdiń sport mektebinde tárbıelenetin Álibekti ákesi Ashat Áshimov jattyqtyrady.
Sonymen qatar, jarysqa qatysqan ózge aqmolalyqtardyń arasynda 95 keliden joǵary salmaqta Nıkolaı Şerbının jáne 53 keli salmaqta Andreı Dýlın ekinshi oryn aldy. Al, Andreı Gýdym (63 keli salmaqta), Pavel Zaharchýk (78 keli salmaqta) jáne Roman Korj (53 keli salmaqta) úshinshi orynnan kórindi.
Sportshylarǵa Bahtııar Jumabekov, Sergeı Prohorov, Saltant Halıbek jáne Sergeı Arhıpov jattyqtyrady.
«Sportshylarymyzdyń jetistigine kóńilim toldy. Myqty jattyǵýdyń arqasynda osyndaı jetistikke qol jetkizip otyrmyz», - dedi jattyqtyrýshy S.Prohorov.
