16 jastaǵy qazaqstandyq tennısshi Dýshanbedegi jarysta ozyq shyqty
ASTANA. KAZINFORM — Qazaqstandyq tennısshi, 16 jastaǵy Danıel ıÝreklı Dýshanbe qalasynda máresine jetken ITF World Tennis Tour Juniors (J30) týrnırinde tabysty óner kórsetti.
Qazaqstandyq tennısshi otandasy Arafat Mustafamen birge juptyq synda fınalda jarystyń 2-raketkalary, Belarýs ókili Ivan Chernyshev – ózbekstandyq Nıkıta Gafýrovpen bas júldeni sarapqa saldy.
Qazaqstandyq jup asa qınalmaı 6:2, 6:4 esebimen jeńiske jetip, chempıon atandy.
Danıel ıÝreklı jekeleı synda da fınalǵa deıin irkilmedi. Sońǵy básekede jergilikti tennısshi Somon Amonovqa tap keldi. Óte tartysty ótken básekede tájikstandyq sportshy 6:4, 4:6, 6:3 esebimen basym tústi.
D.ıÝreklıdiń mundaı tabysqa qol jetkizýi onyń sheberlik deńgeıiniń ósip kele jatqanyn kórsetedi.
Eske sala keteıik, budan buryn Elena Rybakınanyń Shtýtgart týrnıriniń shırek fınalyna shyqqanyn jazǵan bolatynbyz.
