16 jastaǵy qazaq qyzy qol kúresten 13 dúrkin álem chempıonyn jeńdi
TÚRKІSTAN. KAZINFORM - Shardara Armsport quramasynyń jasóspirim sportshysy Ulbolsyn Elmurat álemdik jarystyń jeńimpazy atandy.
Bolgarııanyń Albena qalasynda ótip jatqan eresekter arasyndaǵy qol kúresinen álem chempıonatynda shardaralyq Ulbolsyn Elmurat qarsylastaryn qapy qaldyrdy.
Fınaldyq kezdesýde ol ańyzǵa aınalǵan slovakııalyq sportshy, 13 dúrkin álem chempıony Lýsııa Debranovamen kúsh synasty. Tájirıbeli qarsylasyna múldem múmkindik bermeı, senimdi jeńiske jetken qazaqtyń qarshadaı qyzy álem chempıony atandy.
Aıta ketsek, Ulbolsynnyń jasy nebári 16-da. Soǵan qaramastan, ol álemdik arenanyń basty beldesýinde tájirıbeli sportshylardy qapy qaldyryp, elimizdiń abyroıyn asqaqtatty.
Aıta keteıik, budan buryn Tokıo qalasynda (Japonııa) jeńil atletıkadan álem chempıonaty óz máresine jetkenin jazǵan bolatynbyz.