16 jasqa deıingi balalarǵa Qazaqstan pasportyn rásimdeý quny arzandamaq
«2020 jyldan bastap ata-analarymen birge shetelge shyqqan jaǵdaılarda 16 jasqa deıingi balalar týraly pasportqa jazý talaby alynyp tastaldy. Osyǵan baılanysty balalarǵa shetelge shyqqan kezde jeke pasportty resimdeýdi talap etedi. Bul olardyń otbasylaryna qarjylyq júktemeniń ósýine alyp keledi. Osyǵan baılanysty kámeletke tolmaǵan balalarǵa beriletin pasporttar úshin memlekettik bajdy 8 AEK-ten (27 600 teńgeden) 4 AEK-ke (13 800 teńgege) deıin tómendetý usynylady. Buǵan qosa, shet memleketterge jıi baratyn azamattardyń belsendi sanatyna yńǵaıly bolý úshin kóptegen paraqtary bar (48 bet) pasportty engizý usynylady», - delingen qujatta.
Zań jobasyna engiziletin ózgerister bekitilse, Qazaqstan pasporty úshin alynatyn memlekettik baj mólsheri mynadaı bolmaq:
16 jasqa deıingi balalarǵa beriletin 22 betten turatyn pasport – 4 AEK (13 800 teńge);
36 betten turatyn pasport – 8 AEK (27 600 teńge);
48 betten turatyn pasport – 12 AEK (41 400 teńge);