16 jasar Rýdnyı turǵyny kópqabatty úıge «bomba» qoıylǵanyn habarlaǵan
QOSTANAI. QazAqparat – Rýdnyı qalasynda 2004 jyly týǵan oqýshy úıine jarylǵysh zat qoıylǵany týraly jalǵan habar bergen, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, Rýdnyı qalasynyń polıtsııa bólimine 30 jastaǵy er adam habarlasyp, úıine jarylǵysh zat qoıylǵanyn aıtqan.
«Habar túsken Oktıabrge 40 jyl kóshesindegi úıge barlyq múddeli qyzmetter jumyldyryldy. Qutqarýshylar kópqabatty úıdegi 22 turǵyndy evakýatsııalady. Barlyq páter tekserilip, jarylǵysh zat tabylmady. Іzdeý sharalary barysynda jalǵan aqparat taratqan 2004 jyly týǵan oqýshy ustaldy. Ol 30 jastaǵy er adamǵa daýys ózgertý baǵdarlamasy arqyly habarlasyp, «bomba» qoıylǵanyn aıtqan», - dedi vedomstvonyń baspasóz qyzmetiniń mamany Kenje Qonysbaı.
Qazir osy derek boıynsha QR QK 273 babymen sotaldy tekserý sharalary bastaldy. Bul bapta qylmyskerdi 5 jylǵa deıin bas bostandyǵynan aıyrý, sondaı-aq arnaıy qyzmetterdiń shyǵynyn óteý qarastyrylǵan.
Polıtsııa qyzmetkerleri mundaı faktilerdiń aldyn alý úshin ata-analardan balalarmen profılaktıkalyq áńgime júrgizýlerin suraıdy.
