16 jasar qyz jeńgetaılardyń quryǵyna iligip, jezókshe boldy
ALMATY. 19 qyrkúıek. QazAqparat /Erbol Azanbek/ - Almatyda jasóspirim qyzdy jumysqa ornalastyrý jeleýimen aldap, jezókshelikpen aınalysýǵa májbúrlegen 37 jastaǵy azamatsha ustaldy, dep habarlaıdy qalalyq ІІD-iniń baspasóz qyzmeti.
K. esimdi bul azamatsha Almatyǵa jumys izdep kelgen Almaty oblysy, Іle aýdanynyń 16 jasar turǵyny Gúlsara esimdi jasóspirim qyzdy jumys taýyp berem degen jeleýmen, úıine qondyryp, artynsha jezókshelikke jekken. Qazir atalǵan azamatsha polıtsııa qyzmetkerleriniń quryǵyna iligip, qylmystyq is qozǵaldy.
Ókinishke qaraı, jábirlenýshi qyzdyń ata-anasy kámletke tolmaǵanyna qaramastan ony jumys istep, tabys taýyp júr dep oılaǵan. Jeńgetaılardyń quryǵynan bosaǵan qyz ata-anasynyń qolyna berildi.
