16 jasar qazaqstandyq frıstaıl-mogýldan álem chempıonatynda «altyn» aldy
NUR-SULTAN. QazAqparat - Qazaqstandyq frıstaılshy Anastasııa Gorodko Keza-ın-Valmalenkoda (Italııa) ótken jasóspirimder arasyndaǵy álem chempıonatynda altyn medal jeńip aldy, dep habarlaıdy QazAqparat Sports.kz-ke silteme jasap.
16 jastaǵy sportshy parallel mogýlda «altyn» jeńip aldy. Sondaı-aq, tuǵyrǵa 2 amerıkalyq kóterildi. Ol Elızabet Lemlı «kúmis» júldeger atansa, Ellı Makýga qola medalǵa ıe boldy. Frıstaıl mogýldan barlyǵy 14 sportshy óner kórsetti.
Eske sala ketsek, buǵan deıin atalǵan jasóspirimder arasyndaǵy álem chempıonatynda Anastasııa Gorodko mogýldan «kúmis» jeńip aldy.
Sondaı- aq, qazaqstandyq sportshy ótken jyly eresekter deńgeıinde óner kórsetip, Beıjiń Olımpıadasyna qatysty.
