16 jasar qaraǵandylyq bozbala halyqaralyq kınofestıvalde úzdik akter atandy

QARAǴANDY. QazAqparat – Qaraǵandylyq 16 jasar Álıhan Ábildınniń kınodaǵy debıýti úlken jetistikke jetkizdi. Jasóspirim «Eýrazııa» halyqaralyq kınofestıvalinde úzdik er adam róli úshin júlde aldy, dep habarlaıdy QazAqparat tilshisi.

Bıyl kınofestıvalde alǵash ret ulttyq baıqaý ótti. Munda sońǵy eki jylda túsirilgen eń jaqsy 15 fılm usynyldy.

Ulttyq baıqaý júldeleriniń biri Álıhan Ábildınge buıyrdy.

Jigit ıAna Skopınanyń «Jaz jaqynda aıaqtalady» fılmindegi basty keıipkerdi somdap, «Úzdik akter» nomınatsııasyn jeńip aldy.

Kartına qazaqstandyq kınoprokatqa shyqty.

Álıhan eshqashan kınoǵa túsýdi armandaǵan emes. Onyń ómirdegi basty qyzyǵýshylyǵy – mýzyka.

Qaraǵandyda mýzyka mektebin bitirip, bıyl Chaıkovskıı atyndaǵy Almaty mýzyka kolledjiniń stýdenti atandy.

«Instagram-da «Jaz jaqynda aıaqtalady» fılminiń prodıýseri Erkejan Maqsut maǵan habarlasty. Ol meniń túrim bas keıipker róline sáıkes keletinin aıtty jáne kastıngke shaqyrdy. Biraz ýaqyt ol usynystan bas tartyp júrdim, óıtkeni akterlik tájirıbem joq. Sonymen qatar, árqashan ózimdi tek mýzykant retinde kórdim. Qazir barabanshy oqýyn oqyp jatyrmyn. Meni ata-anam men aǵam kóndirdi. Olar mundaı múmkindikten bas tartpaý kerektigin aıtty», – deıdi Álıhan.

Qaraǵandylyq jasóspirim kastıngten ońaı ótip, túsirilim alańyndaǵy eń jas akter bolyp shyqty. Ol kezde Álıhan 15 jasta edi.

Biraq sol kezdiń ózinde ol munyń qanshalyqty jaýapty is ekenin túsingen jáne Baha esimdi basty keıipkerdiń rólin oınaý úshin baryn saldy.

Túsirilim bolǵan jazdyń eki aıynda kınoakter óziniń jaıly áleminen shyqqanyn aıtady.

«Maǵan túnde jumys isteý qıyn boldy. Keıde túsirilim túngi 11-den tańǵy 11-ge deıin sozylatyn. Uıyqtaǵym keledi, biraq ózimdi jeńdim. Rólge de birden úırenbedim. Fılm 80-shi jyldar týraly baıandaıdy. Ol kezde jastar da, ómirlik qundylyqtar da basqa boldy. Óz keıipkerime múldem uqsamaımyn. Men tuıyq adam edim, dostarym joq-tyn. Túsirilimnen keıin keremet adamdarmen dos boldym, olarmen áli de aralasamyz. Sonymen qatar, keıde kúndelikti ómirde Baha sııaqty áreket etetinimdi baıqaımyn, anaǵurlym ashyqpyn», – deıdi jigit.

Álıhan úshin túsirilimniń eń este qalǵan epızody karantın boldy. Fılmniń rejısseri kovıd juqtyryp aldy. Eki apta boıy fılmniń búkil quramy qonaqúıge qamaldy.

Bári saýyǵyp, túsirilim qaıta bastalǵanda, qyzyqty ıdeıalar paıda boldy. Úzilis barlyq kórinisterge jańasha kózqaraspen qaraýǵa kómektesti.

Festıvalde jeńiske jetý jas akter úshin de kútpegen tosynsyı boldy. Onyń nomınatsııasyna tanymal qazaqstandyq akterler usynylǵan edi.

Álıhan Asqar Іlııasov jeńetinine senimdi bolǵan. Óziniń esimin estigende, eseńgirep qalǵanyn jetkizdi.

«Men úshin kınofestıvalde jeńiske jetý – alǵa jasalǵan úlken qadam. Ol maǵan bıikke umtylýǵa jáne alǵa qoıǵan maqsattaryma jetýge kómektesedi. Kıno akteri bolýdy josparlamaımyn. Degenmen túsirilim týraly usynystar tússe, mindetti túrde qarastyramyn. Biraq ózimdi mýzykaǵa arnaǵym keledi, tek Qazaqstanda ǵana emes, álemde de tanymal mýzykant bolǵym keledi», – deıdi Álıhan.

Foto: Qaraǵandy oblysy ákimdiginiń baspasóz qyzmeti