16 uıaly telefon urlady degen kúdikpen eki jas azamat ustaldy - Astananyń ІІD
ASTANA. 6 aqpan. QazAqparat -Dúńgirshek ıeleriniń biri Astananyń «Esil» aýdandyq ІІB-ǵa kelip, jalpy somasy bir mıllıonnan astam teńgeni quraǵan 16 qymbat uıaly quraldardyń joǵalyp ketkeni jaıly aryzdandy,
dep habarlaıdy astanalyq ІІD-niń baspasóz qyzmeti.
Jedel-izdestirý sharalaryn ótkizý barysynda ІІB-nyń qyzmetkerleri urlyqty jasady degen kúdikpen 20 jáne 22 jastaǵy eki azamatty ustap aldy.
Anyqtalǵandaı, olardyń bireýi atalǵan dúńgirshekte satýshy-keńes berýshi, al ekinshisi qoımada qabyldap alýshy bolyp jumys istegen. Tekserý barysynda olardan uıaly telefondar alyndy.
Atalǵan fakti boıynsha QR QK-niń 175 baby «Urlyq» boıynsha qylmystyq is qozǵaldy. Qazirgi kezde kúdiktiler Astana qalasy ІІD-niń ýaqytsha tergeý abaqtysyna qamaldy.
