16 tamyzda Qazaqstannyń soltústik bóliginde burshaq jaýýy yqtımal
ASTANA. QazAqparat - Búgin atmosferalyq fronttardyń ótýine baılanysty Qazaqstan aýmaǵynda naızaǵaı oınap, jańbyr jaýady. Ekpindi jel soǵyp, soltústikte burshaq jaýýy múmkin. Respýblıkanyń soltústik-batysy men shyǵysynda túnde jáne tańerteń keı jerlerde tuman kútiledi. Qazaqstannyń batysynda, ońtústiginde jáne shyǵysynda aýa raıy jaýyn-shashynsyz bolady.
Aqmola jáne Soltústik Qazaqstan oblystarynda jel kúsheıip, keı jerlerde jyldamdyǵy 15-20 m/s-ǵa jetedi, kúndiz burshaq jaýýy múmkin.
Qostanaı oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi, túnde jáne tańerteń tuman kútiledi, kúndiz burshaq jaýýy múmkin.
Shyǵys Qazaqstan oblysynda túnde jáne tańerteń keı jerlerde tuman kútiledi, kúndiz jekelegen aýdandarda jeldiń jyldamdyǵy 15-20 m/s-ǵa deıin kúsheıedi.
Almaty, Jambyl, Túrkistan, Qyzylorda, Pavlodar jáne Qaraǵandy oblystarynda jeldiń jyldamdyǵy 15-22 m/s-ǵa deıin kúsheıedi.
Almaty oblysynda kún qatty ysıdy dep kútilýde.
Qyzylorda, Túrkistan, Jambyl, Aqtóbe, Atyraý, Mańǵystaý, Qostanaı, Qaraǵandy oblystarynda joǵary órt qaýpi saqtalady.
