16 tamyzda elorda prokýratýrasynyń basshylyǵy azamattardy jeke qabyldaıdy

ASTANA. QazAqparat - Astana qalasynyń prokýratýrasy «Nur Otan» partııasynyń qalalyq fılıaly men ákimdikpen birlese otyryp, azamattardy jeke qabyldaıdy, dep habarlaıdy qalalyq ákimdiktiń baspasóz qyzmeti.

«2018 jyldyń 16 tamyzynda, saǵat 10:00 men 16:00 aralyǵynda Astana qalasynyń prokýratýrasy «Nur Otan» partııasynyń qalalyq fılıaly men ákimdikpen birlese otyryp, prokýratýra, ákimdik, ishki ister, qylmystyq-atqarý júıesi, memlekettik kirister men ádilet departamentteriniń basshylyǵy jáne Ulttyq banktiń fılıaly ókilderiniń qatysýymen qala tirshiliginiń kókeıkesti suraqtary boıynsha jeke qabyldaýy uıymdastyrylady» delingen habarlamada.

Qabyldaý «Nur Otan» partııasynyń qalalyq fılıalynyń ǵımaratynda aldyn ala jazylý arqyly Astana qalasy, Táýelsizdik dańǵyly 3 meken-jaıynda ótkiziledi.

Aldyn ala jazylý:

- Astana qalalyq prokýratýrasynyń baılanys telefondary 8 (7172) 712449, 712126;

- «Nur Otan» partııasynyń qalalyq fılıalynyń qoǵamdyq qabyldaý bólmesiniń baılanys telefony 8 (7172) 361945 arqyly júrgiziledi.