16 tamyz. Týǵan kún ıeleri
ESІMDER
79 jyl buryn (1939) Qazaqstan Respýblıkasy dıplomatııalyq qyzmetiniń eńbek sińirgen qyzmetkeri Qaırat ISAǴALIEV dúnıege keldi.
Atyraý oblysynda týǵan. Almaty shet tilderi pedagogıkalyq ınstıtýtyn bitirgen. Mektep-ınternatta frantsýz tiliniń oqytýshysy, Embi aýdandyq komsomol komıtetiniń birinshi hatshysy qyzmetterin atqarǵan. 1969-1971 jyldary - Aljırdegi keńestik mamandar tobynyń aýdarmashysy. 1971-1976 jyldary - Qazaq sheteldik memlekettermen dostyq jáne mádenı baılanys qoǵamynyń bólim meńgerýshisi. 1976-1979 jyldary - Qazaq KSR Syrtqy ister mınıstrliginiń bólim meńgerýshisi. 1979-1981 jyldary - Qazaqstan Kompartııasy Ortalyq Komıtetiniń nusqaýshysy. 1981-1985 jyldary - «Intýrıst» syrtqy ekonomıkalyq aktsıonerlik qoǵamynyń bólimshe bastyǵy. 1985-1988 jyldary - Almaty oblystyq kásipodaq keńesiniń nusqaýshysy. 1990-1992 jyldary - Qazaqstan Respýblıkasy Avtomobıl joldary mınıstrliginiń bas mamany. 1992-1997 jyldary - Qazaqstan Respýblıkasy Syrtqy ister mınıstrliginiń bólim meńgerýshisi, basqarma bastyǵy, mınıstrliktiń keńesshisi. 1997-1999 jyldary - Qazaqstan Respýblıkasynyń Túrikmenstandaǵy Elshiliginiń keńesshisi. 1999-2002 jyldary - Qazaqstan Respýblıkasynyń Mońǵolııadaǵy isteriniń ýaqytsha senimdi ókili. 2002-2004 jyldary - Qazaqstan Respýblıkasy Syrtyq ister mınıstriniń keńesshisi. 2004 jyldan bastap ál-Farabı atyndaǵy Qazaq ulttyq ýnıversıtetiniń aǵa oqytýshysy bolyp isteıdi.
58 jyl buryn (1960) Pavlodar oblysynyń Qashyr aýdanynyń ákimi Janat Rashıtuly ShUǴAEV dúnıege keldi.
Pavlodr oblysynda týǵan. 1983 jyly Tselınograd (qazirgi Astana) aýylsharýashylyq ınstıtýtyn ǵalym-agronom mamandyǵy boıynsha bitirgen.
54 jyl buryn (1964) «Mır» memleketaralyq teleradıo kompanııasynyń
Qazaq ulttyq fılıalynyń dırektory Asqar Ánýarbekuly ÁLІMJANOV dúnıege keldi.
Almaty qalasynda týǵan. Qazaq memlekettik ýnıversıtetin bitirgen. Jastardyń áleýmettik baǵdarlamalary qorynyń tilshisi, aýdarmashysy, jaýapty hatshysy, «Lenınskaıa smena» gazetiniń tilshisi qyzmetterin atqarǵan. 1991-1992 jyldary - «Azııa-press» aqparat agenttiginiń redaktory, «Tań» telearnasy aqparattyq bóliminiń meńgerýshisi. 1992-1996 jyldary - «Akbar» halyqaralyq jýrnalıstıka ortalyǵynyń rektory, vıtse-prezıdenti. 1996-1997 jyldary - «Habar» agenttigi jańalyqtar qyzmetiniń aǵa, bas redaktory. 1997-2000 jyldary - Qazaqstan Respýblıkasy Prezıdenti baspasóz qyzmeti jetekshisiniń orynbasary. 2000-2002 jyldary - Orta Azııalyq júıeli zertteýler qorynyń bólim bastyǵy. 2002-2004 jyldary - «Repýtatsııa» kommýnıkatıvtik tehnologııalar ortalyǵynyń keńesshisi, damý jónindegi dırektory, bas dırektory. 2004-2005 jyldary - «Perspektıva» saıası konsýltatsııa berý qorynyń bas dırektory. 2005-2006 jyldary QR Parlamenti Májilisi tóraǵasynyń baspasóz hatshysy - hatshylyq meńgerýshisiniń orynbasary, «Qazaqstan» teleradıo korporatsııasy tóraǵasynyń birinshi orynbasary qyzmetterin atqarǵan. 2006-2007 jyldary «Qazaqstan» RTRK» AQ basqarma tóraǵasynyń birinshi orynbasary, bas prodıýseri. 2007-2008 jyldary - Qazaqstan Respýblıkasynyń Reseı Federatsııasyndaǵy Elshiliginiń birinshi hatshysy, baspasóz qyzmetiniń jetekshisi. Qazirgi qyzmetinde 2009 jyldyń qańtarynan bastap isteıdi.
42 jyl buryn (1976) Qazaqstant Respýblıkasy Ulttyq bankiniń halyqaralyq qatynastar jáne qoǵammen baılanys departamentiniń dırektory - Aıdar Qalymtaıuly QAZYBAEV dúnıege keldi.
Astana qalasynda dúnıege kelgen. L.Gýmılev atyndaǵy Eýrazııa ýnıversıtetin ekonomıst-menedjer mamandyǵy boıynsha (1997) bitirdi; Qazaq gýmanıtarlyq-zań ýnıversıtetinde quqyqtaný bakalavry dárejesin aldy (2008).
Eńbek joly: Qazaqstan Respýblıkasynyń strategııalyq josparlaý jáne reformalar jónindegi agenttigi taýar naryǵyn taldaý bóliminiń jetekshi mamany (1998-1999); Qazaqstan Respýblıkasy energetıka, ındýstrııa jáne saýda mınıstrliginiń saýda jónindegi basqarmasynyń bas mamany (1999-2000); Qazaqstan Respýblıkasy ekonomıka jáne saýda mınıstrligi ıntegratsııalar bóliminiń basshysy (2000); Qazaqstan Respýblıkasy ekonomıka jáne saýda mınıstrligi saýda qyzmetin retteý basqarmasy basshysynyń orynbasary (2000-2001); Qazaqstan Respýblıkasy ekonomıka jáne saýda mınıstrligi halyqaralyq yntymaqtastyq departamenti basqarmasynyń basshysy (2001-2002); Qazaqstan Respýblıkasy ındýstrııa jáne saýda mınıstrligi saýda saıasaty jáne DSU-ǵa kirý jónindegi departament dırektorynyń orynbasary (2002-2003); Qazaqstan Respýblıkasy ındýstrııa jáne saýda mınıstrligi jıyntyq taldaý jáne saraptamalyq baqylaý departamentiniń dırektory (2003-2004); Qazaqstan Respýblıkasy ındýstrııa jáne saýda mınıstri apparatynyń basshysy (2004); Qazaqstan Respýblıkasy ındýstrııa jáne saýda mınıstrligi shaǵyn bıznesti qoldaý komıtetiniń tóraǵasy (2004-2005); «Shaǵyn kásipkerlikti damytý qory» AQ kásipkerlikti damytý ortalyǵy dırektory (2005-2006); «Kazmortransflot» UTSK» AQ syrtqy baılanystar departamentiniń dırektory (2006-2007); QR ındýstrııa jáne saýda mınıstrligi saýda qyzmetin retteý komıteti tóraǵasynyń orynbasary (2007); Qazaqstan Respýblıkasy ındýstrııa jáne saýda mınıstrligi (2010 jyldan bastap Ekonomıkalyq damý jáne saýda mınıstrligi) saýda komıtetiniń tóraǵasy (2007-2013).
2014 jyldan beri qazirgi qyzmetinde.
98 jyl buryn (1920-1976) áskerı ushqysh, avıatsııa general-leıtenanty, Keńes Odaǵynyń eki márte batyry, KSRO-nyń eńbek sińirgen áskerı ushqyshy BEDA Leonıd Ignatevıch dúnıege keldi.
Qostanaı oblysynyń Uzynkól aýdanynda týǵan. Oral muǵalimder ınstıtýtyn, Joǵary ushý-taktıkalyq mektebin, Áskerı áýe kúshteri akademııasyn jáne Bas shtab áskerı akademııasyn bitirgen. 1941 jyly V.Chkalov atyndaǵy 1-inshi áskerı avıatsııa ýchılışesin jyldam ushatyn bombalaýshy ushaq ushqyshy mamandyǵy boıynsha bitirgennen keıin, «Il-2» shabýyl ushaǵyna mamandaný úshin ýchılışede qaldyrylady. 1942 jylǵy tamyzdyń 16-ynda Stalıngrad maıdanynyń 226-shabýyldyq avıadıvızııasynyń 505-shabýyldyq avıapolki quramynda soǵysqa aralasady. Osy shaıqas kezindegi erligi úshin Qyzyl Juldyz ordenimen marapattalady. Donbasty, Tavrııany azat etýge, Qyrymdaǵy Sapýn taýy men Hersones múıisindegi urystarǵa qatysady. Soǵystyń sońyna taman Baltyq jaǵalaýy elderin azat etýge, Shyǵys Prýssııa qamaldary men Kenısgberg qalalaryn shabýyldaýǵa qatysady. Ol 214 ret jaýyngerlik tapsyrma alǵan. Onyń 154-inde ushaqtarǵa ózi jetekshilik etken. Soǵystan soń áskerı qyzmetin odan ári jalǵastyryp, Belarýs áskerı okrýginiń avıatsııa qolbasshysy dárejesine deıin kóterildi. Kóptegen orden, medaldarmen marapattalǵan.
60 jyl buryn (1958) amerıkalyq ánshi, ánder avtory, prodıýser, aktrısa, rejısser jáne stsenarıst MADONNA (tolyq aty-jóni - Madonna Lýıza Veronıka Chıkkone) dúnıege keldi.