16 tamyzdan Máńgilik el dańǵylyndaǵy Bus Lane iske qosyldy

ASTANA. KAZINFORM - Elordada 16 tamyzdan Máńgilik el dańǵylyndaǵy Bus Lane iske qosyldy, dep habarlaıdy qala ákimdiginiń baspasóz qyzmeti. 

Bólingen jolaq Uly dala dańǵylynan Kereı Jánibek handar kóshesine deıingi aralyqta eki baǵytta áreket etedi.

Bus Lane-niń negizgi maqsattary – joǵary jol keptelisi kezinde qoǵamdyq kóliktiń ortasha tehnıkalyq jyldamdyǵyn arttyrý, apat sanyn azaıtý, sondaı-aq jedel járdem, arnaıy qyzmet, órt sóndirý tehnıkasy men qyzmettik taksılerdiń kedergisiz qozǵalysyn qamtamasyz etý. Bul qozǵalys aralyǵyn retteýge jáne qoǵamdyq kólik aıaldamalarynda kútý ýaqytyn qysqartýǵa múmkindik beredi.

Máńgilik El dańǵylynyń Uly Dala dańǵylynan Kereı Jánibek handar kóshesine deıingi aralyqta №№ 12, 15, 15A, 18, 35, 43, 46, 54, 70 baǵdarlar qyzmet kórsetedi. Kúnine 129 avtobýs júredi.

Bul osy jyly engizilgen ekinshi Bus Lane. Buǵan deıin, Bus Lane Sh. Aıtmatov kóshesinde engizilgen bolatyn.