16-shy jazǵy Azııa oıyndaryna sportshylarymyz qyzý daıyndalýda - QR Týrızm jáne sport mınıstri
/strong>Tamyzdyń 20-sy. QazAqparat /Erbol Turymbetov/ - Qytaıdyń Gýanchjoý qalasynda ótetin 16-shy jazǵy Azııa oıyndaryna qyzý daıyndyq júrgizilýde. Ony búgin QR Týrızm jáne sport mınıstri Temirhan Dosmuhambetov Almatyda ótken brıfıngte málimdedi,
dep habarlaıdy QazAqparat.
Onyń aıtýynsha, Qazaqstan sportshylary osy jolǵy jarysta joǵary nátıjeler kórsetýi tıis. Búgingi ótken sýǵa júzý men dzıý-do sporty jónindegi tyńdaýlar qorytyndysy boıynsha da medaldar jeńip alýǵa mol múmkindikterimiz bar.
«Ótken aptada ziltemirshilerge baılanysty jınalys jasaǵan edik. Bizdiń jattyqtyrýshylar sporttyń bul túrinen úlken jetistikterge jetemiz dep ýáde bergen-di. Olar sózinde turyp, Jazıra Japparqulova jasóspirimder arasynda altynnan alqa taqty. Biz munan da artyq jeńisterge jetemiz degen oıdamyn», dedi T. Dosmuhamedov.
Qarashanyń 12-si men 27-si aralyǵynda ótetin Oıyndar sporttyń 46 túrin qamtıtyn bolady. Mınıstrdiń aıtýynsha, qazaq sportshylary sol sporttardyń barlyǵynan talqylaýlar ótkizetin bolady.
