16 shildede elordada aptap ystyq bolady
NUR-SULTAN. QazAqparat – 16 shildede kúndiz elordada kúnniń qatty ysýy yqtımal. «Qazgıdromet» RMK-nyń málimetinshe, aýa temperatýrasy 35 gradýsqa deıin kóterilýi múmkin, dep habarlaıdy «QazAqparat» HAA Nur-Sultan qalasynyń tótenshe jaǵdaılar departamentine silteme jasap.
Kúnniń ysýy kezindegi eń qaýipti qater - dene temperatýrasynyń qalyptan joǵary qyzyp ketýi.
Nur-Sultan qalasynyń tótenshe jaǵdaılar departamenti uzaq ýaqyt kúnniń astynda turmaýǵa, ashyq tústi kıimder men mindetti túrde bas kıim kııýge keńes beredi. Kóbirek sý ishken abzal. Kúndiz saǵat tańǵy 11-ge deıin jáne keshki 17.00-den keıin qyzdyrynǵan neǵurlym qaýipsiz. Kúnnen qorǵaıtyn krem qoldaný qajet. Sýdan shyǵar kezde tolyqtaı súrtinýdi umytpańyzdar, ishimdikti asyra paıdalanbaǵan jón. Tótenshe jaǵdaı oryn alǵan boıda «112» nómirine habarlasý qajet.
