16 shildede el aýmaǵynda ótetin mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 16 shilde kúni elimizdiń óńirlerinde ótetin eń mańyzdy oqıǵalarǵa sholý usynady.
ASTANA
Saǵat 10.00-de elordadaǵy Táýelsizdik saraıynda QR Mádenıet jáne sport mınıstrligi, Astana qalasynyń ákimdigi jáne QR Sáýletshiler odaǵynyń uıymdastyrýymen Sáýletshilerdiń halyqaralyq kongresiniń ashylý rásimi ótedi.
Al saǵat 11.00-de «Sputnik Qazaqstan» baspasóz ortalyǵynda «Fızıkalyq jáne mentaldy aýytqýy bar balalardy áleýmettendirý. Erekshe qajettiligi bar balalar úshin damytýshy ortalyq jáne teatr qurǵan eki astanalyqtyń biregeı tájirıbesi» taqyrynda baspasóz máslıhaty uıymdastyrylady.
Saǵat 14.20-de Ortalyq kommýnıkatsııalar qyzmetiniń uıymdastyrýymen Táýelsizdik saraıynyń baspasóz ortalyǵynja «Qalalyq orta: aqyldy aýdan» ınnovatsııalyq baıqaýynyń qorytyndysyna arnalǵan baspasóz máslıhaty bolady.
16.20-da Ortalyq kommýnıkatsııalar qyzmetinde «Qazaqstannyń tabıǵı týrıstik nysandaryna ekspedıtsııa» taqyrybynda baspasóz máslıhaty uıymdastyrylady.
Al keshki saǵat 18.00-de «Nurly jol» vokzalynan mektep oqýshylary týǵan ólkelerin zertteýge attanady. «Týǵan elge saıahat» jobasyna qatysýshy 200 oqýshy Qazaqstannyń túkpir-túkpirine saıahat jasaıdy.
ALMATY
Saǵat 10.00-de Adam quqyǵy jónindegi qazaqstandyq halyqaralyq bıýronyń baspasóz ortalyǵynda «Saıragúl Saýytbaıdyń deportatsııalanýy úmkinshiligi jáne onyń tóńiregindegi jaıttar» taqyrybynda baspasóz máslıhaty bolady.
15-00-de Almaty qalasynyń óńirlik kommýnıkatsııalar qyzmentinde «Almatynyń jer qoryna saraptama jáne onyń nátıjeleri» taqyrybynda baspasóz máslıhaty bolady. Máslıhat barysynda Almaty qalalyq jer qatynastary basqarmasynyń basshysy Altynbek Ahmetov barlyq saýalǵa jaýap beredi.
