16 shildede el aýmaǵynda aýa raıy qandaı bolady

NUR-SULTAN. QazAqparat - Qazgıdromet boljamynsha, 16 shilde, senbi kúni el aýmaǵynda qubylmaly aýa raıy saqtalady, dep habarlaıdy QazAqparat.

Qazaqstan terrıtorııasynyń basym bóliginde aýa raıyn Soltústik-batys tsıklony anyqtaıdy.

Osyǵan baılanysty jańbyr jaýady, soltústikte, soltústik-batysta nóser jaýyn jáne burshaq jaýady, naızaǵaı jarqyldap, jel kúsheıedi, daýyl turady, túnde jáne tańerteń soltústikte tuman, ońtústik-batysta kúndiz shańdy daýyl soǵady.

Tek Qazaqstannyń ońtústiginde, ońtústik-shyǵysynda, batysynda jáne ortalyǵynda antıtsıklon áserinen jaýyn-shashynsyz aýa raıy saqtalady.

Túrkistan, Qyzylorda, Jambyl oblystarynyń basym bóliginde, Atyraý oblysynyń batysynda, Batys Qazaqstan oblysynyń batysy men ońtústik-shyǵysynda tótenshe órt qaýpi bar.

Kúndiz Almaty, Jetisý, Túrkistan, Batys Qazaqstan, Atyraý, Qostanaı, Ulytaý, Qyzylorda, Jambyl oblystarynyń basym bóliginde, Aqtóbe oblysynyń ońtústiginde, Qaraǵandy oblysynyń ońtústik-shyǵysynda qatty ystyq bolady.

Kúndiz Mańǵystaý oblysynyń basym bóliginde, Atyraý, Qostanaı oblystarynyń ońtústiginde óte qatty ystyq saqtalady.