16 shilde kúni respýblıkanyń basym bóliginde qatty ystyq saqtalady
ASTANA. QazAqparat - 16 shilde kúni Qazaqstannyń basym terrıtorııasyn antıtsıklon anyqtaıdy, osyǵan baılanysty aýa raıy jaýyn-shashynsyz bolady, tek respýblıkanyń batysynyń keı jerlerinde ótkinshi jańbyr jaýyp, naızaǵaı bolady, jekelegen aýdandarynda jel soǵyp, ońtústiginde shańdy daýylmen jel bolady.
Bul týraly Qazgıdromet habarlady. Ońtústik Qazaqstan, Jambyl oblystarynyń keı jerlerinde jel shańdy daýylmen 15-20 m/s kúsheıedi. Atyraý oblysynda, kúndiz Mańǵystaý, Batys Qazaqstan oblystarynyń keı jerlerinde jel 15-20 m/s kúsheıedi. Kúndiz Jambyl oblysynda, Qyzylorda, Almaty, Ońtústik Qazaqstan, Qaraǵandy oblystarynyń keı jerlerinde óte qatty ystyq, Atyraý oblysynda, Aqmola, Mańǵystaý, Aqtóbe, Batys Qazaqstan, Qostanaı Shyǵys Qazaqstan oblystarynyń keı jerlerinde qatty ystyq kútiledi. Aqtóbe, Qyzylorda, Ońtústik Qazaqstan, Jambyl oblystarynyń basym bóliginde, Atyraý, Batys Qazaqstan, Qaraǵandy, Almaty, Shyǵys Qazaqstan oblystarynda óte joǵary órt qaýipi saqtalady.
