16 sáýirde respýblıkanyń basym bóliginde jaýyn-shashyn, jel, keı jerlerde tuman, kóktaıǵaq bolady
ASTANA. 15 sáýir. QazAqparat - Qazaqstannyń basym bóligine tsıklon jáne onymen baılanysty atmosferalyq aǵyndar yqpal etedi, sonyń áserinen jaýyn-shashyn bolady, jel kúsheıedi, keı jerlerde tuman túsip, kóktaıǵaq bolady.
Batysta jáne ońtústik-batysta ǵana kún ashyq bolady. Bul týraly QR TJM baspasóz qyzmeti Qazgıdrometke slteme jasap habarlaıdy.
Aqmola oblysynda keı jerlerde kóktaıǵaq bolyp, jeldiń ekpini 15-20 m/s bolady.
Qostanaı, Soltústik Qazaqstan oblystarynda keı jerlerde tuman túsip, kóktaıǵaq bolady, jeldiń ekpini 15-20 m/s-qa deıin kúsheıedi.
Pavlodar, Qyzylorda oblystarynda - keı jerlerde jeldiń kúshi 15-20 m/s-qa jetedi.
Jambyl, Qaraǵandy oblystarynda keı jerlerde jel 15-20 m/s-qa deıin kúsheıip, túnde keı jerlerde tuman túsedi.
Atyraý oblysynda keı jerlerde tuman túsedi, túnde jel 15-20 m/s-qa deıin kúsheıedi.
Almaty oblysynda - túnde keı jerlerde jeldiń ekpini 15-20 m/s-qa jetedi.
Ońtústik Qazaqstan oblysynda keı jerlerde naızaǵaı oınap, jeldiń kúshi 15-20 m/s-qa jetedi.
Shyǵys Qazaqstan oblysynda keı jerlerde jeldiń kúshi 15-20 m/s-qa jetedi, kúndiz keı jerlerde naızaǵaı oınaıdy.
Aqtóbe oblysynda túnde keı jerlerde tuman túsedi.
Taıaýdaǵy táýlikterde Jaıyq ózeninde, Qostanaı, Soltústik Qazaqstan, Aqmola oblystarynyń birqatar ózenderinde kóktemgi tasqyn jalǵasady, sý deńgeıi kóteriledi. Qalqutan aýyly mańynda Qalqutan ózeninde eńis jerlerde sý kemerinen asýy múmkin. Respýblıkanyń ońtústiginde, ońtústik-shyǵysynda jáne shyǵysynda keıbir ózenderde sý deńgeıi artady. Shyǵys Qazaqstan jáne Pavlodar oblystarynyń sheginde Ertis ózeninde Shúlbi sý qoımasynan sý jiberilýine baılanysty tolqynnnyń taralýymen sý deńgeıiniń kóterilýi baıqalady.
