16 sáýirde Qazaqstanda keı jerlerde shańdy daýyl kóteriledi, shyǵysta - jaýyn-shashyndy bolady
ASTANA. QazAqparat - 16 sáýirde Qazaqstan aýmaǵy burynǵysha aýqymdy antıtsıklon yqpalynda bolyp, kún ashyq bolady, keı jerlerde jel kúsheıip, birqatar aýdandarda shańdy daýyl kóteriledi, dep habarlady QR TJM saıty.
«Respýblıkanyń shyǵysynda ǵana atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde jaýyn-shashyn bolyp, tuman túsedi», - delingen habarlamada.
«Qazgıdromet» RMK aqparaty boıynsha, kúndiz Qyzylorda, Atyraý, Batys Qazaqstan oblystarynda keı jerlerde jeldiń ekpini 15-20 m/s-qa deıin kúsheıip, Qyzylorda oblysynda shańdy daýyl kóteriledi.
Jambyl, Ońtústik Qazaqstan oblystarynda keı jerlerde jeldiń kúshi 15-20 m/s-qa jetedi, Jambyl oblysynda tuman túsedi. Shyǵys Qazaqstan oblysynda, túnde jáne tańerteń Almaty oblysynda keı jerlerde tuman túsýi kútiledi.
