16 óńirde aýa raıyna baılanysty eskertý jarııalandy

ASTANA. KAZINFORM – Qazaqstannyń 16 óńirinde aýa raıyna baılanysty eskertý jarııalaandy, dep habarlaıdy «Qazgıdromet».

Kásiporynnyń boljamyna qaraǵanda, Astanada 2 aqpanda túnde qar, kúndiz jaýyn-shashyn (qar, jańbyr) jaýyp, jaıaý burqasyn soǵady, kóktaıǵaq bolady.

2 aqpanda túnde jáne tańerteń Atyraý oblysynyń batysynda, soltústiginde, ońtústiginde tuman túsedi.

Batys Qazaqstan oblysynyń batysynda, soltústiginde, shyǵysynda azdaǵan jaýyn-shashyn (jańbyr, qar) jaýady, kóktaıǵaq bolyp, tuman túsedi.

Almaty oblysynyń ońtústiginde, taýly aýdandarynda keı ýaqytta tuman túsip, jolda kóktaıǵaq bolady.

Túrkistan oblysynyń batysynda, ońtústiginde, taýly jáne taý bókterli aýdandarynda tuman túsedi. Kúndiz oblystyń taý asýlarynda jaıaý burqasyn, shyǵystan jel soǵady, kúndiz oblystyń taý asýlarynda jeldiń kúshi 15-20 m/s.

Aqmola oblysynda túnde qar jaýyp, burqasyn, kúndiz oblystyń soltústiginde, shyǵysynda jaýyn-shashyn (qar, jańbyr), oblystyń ońtústiginde azdaǵan jaýyn-shashyn (qar, jańbyr), jaıaý burqasyn kóktaıǵaq bolady. Oblystyń batysynda, ońtústiginde tuman túsedi. Batystan jel soǵady, oblystyń soltústiginde, shyǵysynda ekpini 15-20 m/s.

Qostanaı oblysynyń soltústiginde, shyǵysynda, ońtústiginde azdaǵan jaýyn-shashyn (jańbyr, qar), kóktaıǵaq, tuman bolady.

Jambyl oblysynyń taýly aýdandarynda qar jaýyp, kóktaıǵaq bolady, jaıaý burqasyn soǵady. Oblystyń soltústiginde, ońtústiginde, taýly aýdandarynda tuman túsedi. Soltústik-shyǵystan jel soǵady, tańerteń jáne kúndiz oblystyń ońtústik-batysynda, soltústik-shyǵysynda taýly aýdandarynda 15-20, ekpini 23 m/s kútiledi.

Qyzylorda oblysynyń ortalyǵynda, soltústiginde tuman túsedi. Jel soltústik-shyǵystan, shyǵystan soǵady, kúndiz oblystyń ortalyǵynda 15-20 m/s.

2 aqpanda túnde Qaraǵandy oblysynyń batysynda, soltústiginde, shyǵysynda qar jaýyp, burqasyn bolady, kúndiz oblystyń batysynda, soltústiginde, shyǵysynda jaýyn-shashyn (jańbyr, qar), burqasyn, kóktaıǵaq bolady. Oblystyń soltústiginde, shyǵysynda tuman túsedi.

2 aqpanda túnde Abaı oblysynyń batysynda, soltústiginde, ortalyǵynda qar jaýady, burqasyn soǵady, kúndiz qar, burqasyn bolady. Oblystyń shyǵysynda, ońtústiginde tuman túsedi. Jel ońtústikten, ońtústik-batystan soǵady, oblystyń batysynda, soltústiginde, ortalyǵynda jyldamdyǵy 15-20 m/s.

2 aqpanda túnde Shyǵys Qazaqstan oblysynyń soltústiginde, shyǵysynda qar jaýyp, burqasyn bolady, kúndiz qar jaýady, burqasyn soǵady. Oblystyń shyǵysynda, ońtústiginde tuman túsedi. Jel shyǵystan, ońtústik-shyǵystan soǵady, oblystyń batysynda, soltústiginde 15-20 m/s.

2 aqpanda túnde Ulytaý oblysynyń shyǵysynda azdaǵan qar jaýp, burqasyn bolady. Kúndiz oblystyń batysynda, soltústiginde, shyǵysynda kóktaıǵaq bolady. Oblystyń soltústiginde, shyǵysynda, ortalyǵynda tuman túsedi.

2 aqpanda Aqtóbe oblysynyń soltústiginde, shyǵysynda azdaǵan jaýyn-shashyn (qar, jańbyr) bolyp, kóktaıǵaq, tuman saqtalady.

2 aqpanda túnde Soltústik Qazaqstan oblysynda jaýyn-shashyn (jańbyr, qar), kúndiz oblystyń soltústiginde, shyǵysynda, ońtústiginde azdaǵan jaýyn-shashyn (jańbyr, qar) bolady. Oblystyń soltústiginde, shyǵysynda, ońtústiginde kóktaıǵaq bolyp, jaıaý burqasyn soǵady, tuman túsedi.

2 aqpanda túnde Pavlodar oblysynda qar jaýyp, kúndiz oblystyń batysynda, ońtústiginde, shyǵysynda jaýyn-shashyn (jańbyr, qar) bolady. Oblystyń batysynda, ońtústiginde jaıaý burqasyn soǵady, kúndiz kóktaıǵaq bolady. Ońtústikten jel soǵyp, soltústik-batysqa aýysady, oblystyń batysynda, ońtústiginde ekpini 15-20 m/s bolady.

Jetisý oblysynyń taýly aýdandarynda tuman túsedi. Soltústik-shyǵystan jel soǵady, oblystyń shyǵysynda ekpini 15-20 m/s.

Osyǵan deıin Aqmola oblysynda polıtsııa qardyń qalyń túsýine baılanysty júrgizýshilerge eskertý jasaǵanyn jazdyq.