16 oblysta aýa raıyna baılanysty eskertý jarııalandy

ASTANA. KAZINFORM - Sınoptıkter 6 qańtarǵa Qazaqstannyń 16 oblysynda jáne Astana qalasynda aýa raıyna baılanysty eskertý jarııalady, dep habarlaıdy «Qazgıdromet».

Kásipryn taratqan derekterge qaraǵanda, 6 qańtar kúni Astanada qar jaýyp, boran soǵady. Kúndiz kóktaıǵaq bolýy yqımal. Ońtústik-batystan soǵatyn jeldiń ekpini 15–20 m/s-qa jetip, keı ýaqytta 23 m/s-qa deıin kúsheıýi múmkin.

Aqmola oblysynda da qar men boran, kúndiz kóktaıǵaq bolýy múmkin. Jeldiń jyldamdyǵy 15–20 m/s, oblystyń batysy, soltústigi men shyǵysynda ekpini 23–28 m/s-qa deıin jetedi.

Batys Qazaqstan oblysynyń soltústik-shyǵysynda, ońtústiginde jáne ortalyq bóliginde túnde qar men boran kútiledi. Oblystyń batysy, soltústigi men ońtústiginde tuman túsip, kóktaıǵaq bolady. Jel soltústik-batystan soǵyp, ońtústik-shyǵysqa aýysady, keı jerlerde ekpini 15–20 m/s.

Qyzylorda oblysynyń soltústigi men ortalyǵynda tuman men kóktaıǵaq bolýy yqtımal.

Mańǵystaý oblysynyń batysy men soltústiginde tuman túsedi.

Atyraý oblysynyń batysy, ońtústigi men shyǵysynda tuman túsip, kóktaıǵaq bolady. Jel ońtústik-batystan soltústik-shyǵysqa aýysyp, keı jerlerde jyldamdyǵy 15–20 m/s-qa deıin kúsheıedi.

Soltústik Qazaqstan oblysynda qar jaýyp, boran soǵady. Túnde oblystyń batysynda qalyń qar túsýi múmkin. Birqatar aýdanda kóktaıǵaq pen tuman kútiledi. Jeldiń ekpini 15–20 m/s, keı jerlerde 23–28 m/s-qa deıin jetedi.

Shyǵys Qazaqstan oblysynyń soltústigi men shyǵysynda qar men boran boljanady, kúndiz kóktaıǵaq bolady. Oblystyń ońtústiginde tuman túsedi. Jeldiń ekpini 15–20 m/s, keı ýaqytta 25 m/s-qa deıin kúsheıýi múmkin.

Abaı oblysynyń batysy men soltústiginde kúndiz qar jaýyp, boran soǵady, kóktaıǵaq kútiledi. Oblystyń shyǵysy men ońtústiginde tuman bolady. Jeldiń ekpini 15–20 m/s, keı jerlerde 28 m/s-qa deıin jetedi.

Aqtóbe oblysynyń batysy, soltústigi men shyǵysynda jańbyr men qar aralas jaýyn-shashyn, boran jáne kóktaıǵaq kútiledi. Keı aımaqtarda tuman túsedi. Jeldiń jyldamdyǵy 15–20 m/s.

Ulytaý oblysynyń soltústiginde kúndiz qar men boran bolady. Oblystyń birqatar bóliginde tuman túsedi. Jeldiń ekpini 15–20 m/s.

Jambyl oblysynyń soltústigi men ońtústiginde, sondaı-aq taýly aýdandarda tuman men kóktaıǵaq boljanyp otyr. Jel 15–20 m/s-qa deıin kúsheıedi.

Túrkistan oblysynyń soltústiginde, batysynda, ońtústiginde jáne taýly óńirlerinde tuman túsedi.

Pavlodar oblysynda qar jaýyp, boran soǵady, kúndiz kóktaıǵaq bolady. Jeldiń ekpini keı jerlerde 23–28 m/s-qa deıin jetedi.

Qostanaı oblysynda túnde qar men boran bolyp, kóktaıǵaq kútiledi, soltústik pen batysta qalyń qar jaýýy múmkin. Kúndiz de boran saqtalady. Jeldiń jyldamdyǵy 15–20 m/s, keı aımaqtarda 28 m/s-qa deıin kúsheıedi.

Qaraǵandy oblysynyń batysy men soltústiginde qar jaýyp, boran soǵady, kóktaıǵaq kútiledi. Birqatar aýdanda tuman bolady. Jeldiń ekpini 15–20 m/s, keı jerde 23 m/s.

Jetisý oblysynyń soltústiginde, shyǵysynda jáne taýly aımaqtarynda tuman túsedi. Shyǵysynda jeldiń ekpini 15–20 m/s-qa deıin jetýi múmkin.

Osyǵan deıin kúnniń buzylýyna baılanysty birneshe baǵyt boıynsha qozǵalysqa shekteý qoıylǵany týraly jazdyq.