16 oblysta aýa raıy boıynsha eskertý jarııalandy

ACTANA. KAZINFORM – Qazaqstannyń 16 oblysynda 21 jeltoqsan kúni aýa raıyna baılanysty eskertý jarııalandy.

Abaı oblysynda qar jaýyp, boran soǵyp, kóktaıǵaq bolady, oblystyń soltústigi men shyǵysynda qalyń qar jaýady. Oblystyń soltústiginde, ońtústiginde jáne ortalyǵynda tuman túsedi. Jel ońtústik-batystan soǵyp, batysta, soltústikte jáne ortalyqta soltústik-batysqa aýysady, ekpini 15–20 m/s jetedi.

Aqmola oblysynyń ońtústigi men shyǵysynda túnde jáne tańerteń qar jaýady, oblystyń soltústiginde azdaǵan qar jaýyp, jaıaý burqasyn bolady. Túnde jáne tańerteń oblystyń batysynda, soltústiginde jáne shyǵysynda tuman kútiledi. Jel soltústikten soǵyp, túnde jáne tańerteń oblystyń ońtústigi men shyǵysynda ońtústik-batysqa aýysady, ekpini 15–20 m/s.

Aqtóbe oblysynyń shyǵysynda túnde azdaǵan qar, jaıaý burqasyn jáne kóktaıǵaq kútiledi.

Almaty oblysynyń taýly aýdandarynda kúndiz mezgil-mezgil qalyń qar jaýady. Túnde oblystyń ońtústiginde jáne taýly aýdandarynda, kúndiz kóktaıǵaq bolady. Oblystyń soltústiginde, ońtústiginde jáne taýly aımaqtarynda tuman túsedi. Jel ońtústik-shyǵystan soǵyp, kúndiz oblystyń shyǵysynda soltústik-batysqa aýysady, ekpini 15–20 m/s.

Atyraý oblysynyń batysy men ońtústiginde tuman jáne kóktaıǵaq bolady.

Shyǵys Qazaqstan oblysynda qar, boran, kóktaıǵaq bolady, kúndiz oblystyń soltústigi men shyǵysynda qalyń qar jaýady. Oblystyń batysynda, soltústiginde jáne ońtústiginde tuman kútiledi. Jel soltústik-batystan soǵyp, oblystyń ońtústik-shyǵysy men soltústiginde ońtústik-batysqa aýysady, ekpini 15–18 m/s.

Jambyl oblysynyń ońtústiginde jáne taýly aýdandarynda túnde, soltústiginde jáne taýly aýdandarynda kúndiz qar, jaıaý burqasyn bolady. Keı jerlerde tuman men kóktaıǵaq bolady.

Jel ońtústik-batystan soǵyp, oblystyń ońtústik-batysynda, soltústik-shyǵysynda jáne taýly aýdandarynda 15–20 m/s, túnde jáne tańerteń ekpini 23 m/s-qa deıin jetedi.

Jetisý oblysynyń shyǵysynda jáne taýly aýdandarynda kúndiz qalyń qar jaýady. Keı jerlerde kóktaıǵaq bolady. Oblystyń ońtústiginde, shyǵysynda jáne taýly aýdandarynda tuman túsedi. Shyǵysynda jáne taýly aýdandarynda jaıaý burqasyn kútiledi. Jel ońtústik-batystan soǵyp, shyǵysynda jáne taýly aýdandarynda 15–20 m/s, Alakól kólderi mańynda keı ýaqytta 23–28 m/s-qa deıin kúsheıedi.

Batys Qazaqstan oblysynyń batysynda, soltústiginde jáne ońtústiginde tuman men kóktaıǵaq kútiledi.

Qaraǵandy oblysynda túnde qar, boran, kúndiz oblystyń soltústiginde, shyǵysynda jáne ońtústiginde qar, jaıaý burqasyn bolady. Soltústiginde, shyǵysynda jáne ońtústiginde tuman túsedi. Jel ońtústik-batystan soǵyp, oblystyń soltústigi men shyǵysynda soltústik-batysqa aýysady, ekpini 15–20 m/s.

Qostanaı oblysynyń ońtústigi men shyǵysynda túnde azdaǵan qar, jaıaý burqasyn kútiledi. Oblystyń batysynda, soltústiginde jáne shyǵysynda tuman bolady. Jel soltústikten soǵyp, oblystyń soltústigi men shyǵysynda ońtústik-batysqa aýysady, ekpini 15–20 m/s.

Qyzylorda oblysynyń soltústiginde, ońtústiginde jáne ortalyǵynda qar, jaıaý burqasyn, kóktaıǵaq kútiledi. Oblystyń shyǵysynda jáne ortalyǵynda tuman bolady. Jel soltústik jáne soltústik-shyǵystan soǵyp, oblystyń soltústigi men shyǵysynda ekpini 15–20 m/s.

Mańǵystaý oblysynyń batysynda, soltústiginde jáne ortalyǵynda tuman men kóktaıǵaq kútiledi.

Soltústik Qazaqstan oblysynyń ońtústik-shyǵysynda túnde azdaǵan qar, jaıaý burqasyn bolady. Jel soltústikten soǵyp, túnde oblystyń ońtústik-shyǵysynda, kúndiz batysynda ońtústik-batysqa aýysady, ekpini 15–20 m/s.

Túrkistan oblysynyń taýly aýdandarynda túnde qalyń qar jaýady. Oblystyń ońtústiginde, batysynda jáne taýly aımaqtarynda jaıaý burqasyn, kóktaıǵaq jáne tuman kútiledi. Jel soltústik-shyǵystan soǵyp, túnde jáne tańerteń taýly asýlarda ekpini 15–20 m/s.

Ulytaý oblysynda túnde qar, jaıaý burqasyn, kúndiz oblystyń ońtústigi men shyǵysynda qar, jaıaý burqasyn bolady. Oblystyń soltústiginde, shyǵysynda jáne ońtústiginde tuman túsedi.

Buǵan deıin Rıdderde qarda júretin tehnıkamen taýǵa ketip adasqan 9 adam qutqarylǵany týraly jazǵan edik.