16 noýtbýk urlaımyn dep qolyna kisen ildirdi
ASTANA. 28 naýryz. QazAqparat - Jambyldyq polıtsııa qyzmetkerleri 16 noýtbýkty urlaý qylmysyn ashty.
«Aǵymdaǵy jyldyń aqpan aıynda Jambyl aýdany Aısha-bıbi aýylyndaǵy orta mektepterdiń birindegi mýltımedııalyq kabınetten belgisiz bireýler noýtbýktardy urlap, 1,5 mıllıon teńgege shyǵyn keltirgen bolatyn. Ótkizilgen jedel izdestirý is-sharalary barysynda 24 jastaǵy jergilikti turǵyn ustaldy», - dedi búgin ótken brıfıng barysynda QR ІІM Til saıasaty jáne aqparat departamentiniń bastyǵy Nurdildá Oraz.
Onyń atap ótýinshe, tergeý barysynda kúdiktiniń mektepke tereze arqyly kirgeni, temir quralmen kabınettiń esigin syndyryp, noýtbýktardy jymqyrǵany anyqtaldy. Urlanǵan zattardyń jartysy alyndy, tergeý amaldary júrgizilýde.
